Bonjour呢個台灣牌子標榜手做真皮鞋，係雨鞋同時亦係百搭休閒鞋，防水透氣，價錢唔算貴，個款都幾靚，睇落一啲都唔膠又唔似雨鞋，所以買咗一對試吓。不過佢造鞋時間都幾耐，由落單到出貨前後要兩個月，等到頸都長😱 終於等到落雨⛈️試完效果好好👍🏻表面睇落似麖皮但跣水，水珠一粒粒黏響鞋面（只試過好細雨，大雨未試），著住全日唔焗，唔跣腳，軟熟唔刮腳，鞋頭寬闊唔夾腳，足碼，值得等待。 佢有好多唔同款嘅水鞋、涼鞋同波鞋，我揀咗呢對係米白色，貪佢夠百搭。跟鞋送咗一個鞋套，同埋一對襯顏色嘅鞋帶。