一入谷就被其它網友燒著個護髮夾，但護髮夾本身始終有d貴，戈陣BNS又未開團，加上想換過支新嘅直髮夾，所以做咗d功課之後決定試吓li支，佢有齊護髮同造型兩用。 護髮要用佢本身跟機嘅矽膠套套住加熱板，而佢個套嘅size係啱啱好，唔會太鬆亦唔會太緊，整體用落都算方便。導入主要係靠熱力同震動，so far用咗3次，其中兩次係用同一款髮膜，用完之後感覺同淨用髮膜唔同，同埋吹頭戈陣d頭髮好似飲飽水咁，要耐d先吹得乾 而家買gmarket價格係同韓國官網一樣，仲送咗支細髮油+鑰匙扣，鑰匙扣係佢新款直髮夾迷你版，都幾得意