咩係綠油精？可以理解做白花油啲Friends 。但私心覺得好用過白花油。 佢有三隻味：天竺葵、馬鞭草、櫻花。 之前係台灣買過天竺葵味，藥油味唔重，最緊要係work 。 話說當年我同我家姐去台灣旅行，然後我姐例牌岀遊先嚟頭痛，當時旅行經驗唔多，冇帶夠藥物，台灣又冇必理痛呢啲成藥買，經姐姐個朋友推薦，買咗呢枝。 可能係搽完好似又幾見效。所以係台灣返嚟之後我家姐一直袋住，頭痛可以用，蚊咬都可以搽。 最重要係細細支嘅滾珠裝，唔驚整到成隻手都有味。 最近同台灣插畫幾兔聯乘，超級可愛。但係原來屈臣氏寫住款式隨機發放，好彩3款得櫻花一隻冇幾兔，三隻都冇就真係喊出來。