香港VS外國差價超大的熱門網購item

Venchi 朱古力 – 慳55-76%

意大利Venchi朱古力味道香甜自然，而且口感純滑，係我哋FB谷入面其中一樣好熱門，香港同外國差價超大嘅商品。香港買100g要$140，喺意大利官網入手只係需要$33-63 (視乎口味)，就算遠到喺意大利買返嚟，都係超抵！

意大利售價：HK$330-630 /KG

香港售價：HK$1,400 /KG

外國入手慳：HK$1,070-770

樂敦 V5強目素 – 慳73%

無論你係都市人返工對住電腦定係學生返學對住試卷，雙眼都係同樣重要…V5強目素可以強化視力、擊退紅筋疲勞、改善眼乾呢啲問題，但係香港藥房超市入手嘅價錢，喺日本買到3盒有多，冇理由同荷包作對吖~

日本售價：HK$275

香港售價：HK$75

外國入手慳：HK$200

Happycall 可分離雙面煎鍋 – 慳65%

韓國Happycall嘅廚具出名高質素同慳位，產品本身韓國定價都唔高，不過嚟到香港之後，無論官網定百貨公司定價都標高咗好多，令到唔少人退而求其次去買其他牌子。但如果用開電磁爐嘅你，可以考慮呢個一鍋兩用嘅IH石墨烯雙面煎鍋，煎、煮、焗都冇問題！

韓國售價：HK$296

香港售價：HK$848

外國入手慳：HK$552

Ebisato 什錦蝦片蝦餅 – 慳62%

喺屋企睇串流平台新電影新劇集；夜媽媽同朋友睇波；夜闌人靜先嚟肚餓，呢啲時候又點少得零食呢！呢包名古屋Ebisato雜錦口味嘅蝦片香港代購賣貴1倍有多！講個秘密你聽：Buyandship唔少會員都係一箱箱咁入手㗎 (〃ﾟдﾟ〃)

日本售價：HK$36

香港售價：HK$95

外國入手慳：HK$59

ROYCE 朱古力薯片 – 慳58%

冇得返鄉下咁耐，係咪好掛住日本旅行必買嘅ROYCE朱古力呢？想喺香港平價買到基本上冇可能，平時百貨公司超級市場見到都要$105/盒，想食又唔捨得買嘅朋友好襯日元匯率低水，到日本網上用$44就買到一盒，真係好抵！

日本售價：HK$44

香港售價：HK$105

外國入手慳：HK$61

茅乃舍 湯底 – 慳49%

想喺屋企輕鬆食到日本家鄉味道，咁你就一定要認識呢個品牌：茅乃舍！佢哋推出好多唔同味嘅湯底粉，無論係想食日式火鍋定日式料理，一包湯底粉就即刻變大師廚神！佢哋仲有飯素、茶碗蒸材料、醬油，將日本美食帶到你廚房就係咁簡單！

日本售價：HK$110

香港售價：HK$216

外國入手慳：HK$106

Bath&BodyWorks 蠟燭香薰 – 慳38%

BBW喺香港冇門市，官網要買夠$500先免運費，市場上都仲有唔少代購或者平台有賣BBW嘅蠟燭香薰產品，但係以上都唔係最明智嘅入手方法。想平價入手就要上Bath&BodyWorks嘅美國官網購買，而且有更多嘅香味選擇！

美國售價：HK$87 /個

香港售價：HK$140 /個

外國入手慳：HK$53 /個

50惠 養潤育髮精華素 – 慳34%

有啲嘢係你年紀越大，就會失去越多，講緊嘅係頭上面每一條珍貴嘅頭髮！濃密嘅頭髮唔止畀人覺得後生啲，自己自信都大啲！想好好保養秀髮，唔少人都會考慮用50惠。香港唔難見到佢嘅宣傳廣告，不過日本入手養潤育髮精華素補充裝抵過香港好多㗎~

日本售價：HK$150

香港售價：HK$228

外國入手慳：HK$78

AIGLE 男士GORE-TEX外套 – 慳29%

近年冇得去旅行，所以多咗人投入行山露營行列，喺變幻莫測嘅天氣下，一件防水、防風又透氣嘅外套就好重要喇！戶外裝備品牌AIGLE喺香港出名賣得貴，如一件外套喺日本買平成千蚊，慳埋慳埋買多個營帳都得！

日本售價：HK$3,050

香港售價：HK$4,280

外國入手慳：HK$1,230

Apple Watch Series 7 – 慳27%

無論你係戴開名貴手錶，定係冇戴錶習慣，一隻智能手錶都可以為你生活帶嚟改變。由最基本顯示時間外，最新一代Apple Watch Series 7仲支援血氧濃度監測、心律監測、跌倒監測等實用功能。而且，配搭唔同錶帶、錶面都可以成為每日打扮其中一個元素。

美國減價：HK$2,347

香港售價：HK$3,199

外國入手慳：HK$852