上星期提及過，我哋喺一星期內已經轉運 15,000 箱共約 750 萬個口罩回港，而截止現時為止，已轉運約 32,000 箱口罩，粗略估算已轉運約 1,600 萬個口罩返香港。
不足一星期出貨量已超出多於一倍，仲有更多更多貨件等緊倉庫同事處理，比起 Black Friday 多出好幾倍嘅貨量，即使同事出盡力 OT 處理都係無可能即時處理得哂。已經落單嘅、用咗我哋地址收件嘅以及到咗倉庫嘅貨件我哋都會盡力運返嚟，而如果你係仲未落單的話，強烈建議你再考慮一下，除咗我哋倉庫已超出負荷之外，空運貨量同樣大增，時效必定比以往長，急用的話請避免於海外選購。
網上查詢數量直上 3,600 個，人手有限實在未能即時回覆，再次懇請各位減少提問 Q&A 中已提及嘅問題。同時為集中人手處理網上查詢，即日起 Buyandship 電話服務熱線亦會暫時停止服務，敬請各位見諒。另外亦希望大家明白，如若查詢數量減少的話，CS 同事亦可以騰出時間幫手處理已到達香港嘅貨件，大家嘅口罩亦可以更快到手！再次感謝各位支持及體諒。