網購童裝有大把選擇，而美國嘅國民品牌 Carter’s 係其中之一，除咗款式多質地好之外，最重要係佢成日都會做優惠，好多時仲要滿額後又可以再折！折完都只係幾蚊美金就買到件衫仔，真係家長們嘅恩物啊！講到咁吸引，係咪即刻想上去買返幾件衫俾仔仔囡囡呢～唔洗心急，睇埋小編嘅慳錢小秘技同埋教學，跟住一步一步就可以買到平貨，簡單又快捷！
Carter’s 官網：http://bit.ly/17f9DSE
網購最抵平價童裝！平買 Carter’s 小秘技 — 隱藏優惠碼公開
Carter’s 網站上有非常多嘅款式可以選擇，而佢哋嘅優惠碼都會放喺非常顯眼嘅位置，Check Out 之前記得入返當日嘅 Code 呀～而呢種優惠碼就唔會每一日都有嘅，只係喺推廣期內先至適用，咁其他時間買咪冇優惠囉？錯喇～繼續睇落去啦！
必拎隱藏優惠碼
其實 Carter’s 每個月都會有專屬嘅優惠碼，只要買滿 US$75 就可以有額外 8 折優惠，全個月任何時候都用得！雖然收得好埋，不過一樣俾小編搵到！只要拉到網頁最底位置就會搵到「Today’s Special Offers」，入到去就會喺 Coupon 搵到優惠碼！
挑選心水產品
購買方法其實非常簡單，睇啱邊件就 Click 入去，揀好 Size 就可以點按「Add To Cart」。
Check Out 前輸入正確優惠碼
揀好哂就可以去 Cart 度 Check Out，呢個時候首先要睇吓自己係咪揀咗「Ship to address」，同時亦要記得喺箭嘴位置入返個優惠碼再按 Apply Code，網站就會自動顯示折後嘅價格。
填寫正確的海外倉庫地址
由於網站可以俾非會員購買，所以係咪要登記做會員大家可以自己衡量。然後就可以根據海外倉庫地址一頁上嘅資料填返好美國倉庫嘅地址以及 BS 為首嘅 User ID，如果無填 User ID 就辨認唔到份件係屬於邊個會員，所以一定一定要填好呀！確定資料無錯後就可以 Continue Check Out 去下一步！
付款方式
填埋信用卡資料就完成架喇～記住記住，收到 Tracking No. 就要上返嚟申報貨件喇～
*價錢或會因供求而調整，一切以網站為準。