最強天書.Black Friday 必讀攻略

一年容易又黑五!今年已經係 Buyandship 第 5 年幫大家轉運 Thanksgiving 同 Black Friday 嘅戰利品返香港喇!喺未正式掃貨之前,當然要同大家講下血併黑五嘅攻略啦。

Black Friday 攻略
 

美國人非常重視「感恩節」Thanksgiving 呢個節日,就好似香港人過農曆新年一樣咁普世歡騰,而緊隨其後嘅兩日 Black Friday 同 Cyber Monday 更係會令全球 Shopping 精等足一年嘅大日子。一連串大劈價,平時企硬嘅定價都有機會以低至 3 折甚至更抵嘅價錢發售,真係全世界都捕住全年最抵嘅呢一日嚟掃筍貨㗎!

以為淨係可以網購美國產品?錯喇,其實全球網店包括英國、日本、澳洲、意大利等地方都會跟隨做 Black Friday 優惠,只要好好把握呢幾日,買齊美英意澳日就絕對無難度!用 Buyandship 仲可以將呢幾個國家嘅貨件合併集運,夠哂方便!

想喺當日更順利搶貨?除咗要準備足夠「彈藥」之外,當然仲要熟讀我哋準備嘅呢篇 Black Friday 必讀攻略,確保大家搶貨時快、狠、準,極速以更抵價搶購到心頭好。


Black Friday 必讀攻略

1. 鎖定 Thanksgiving / Black Friday / Cyber Monday 日子

.Thanksgiving - 美國時間 2019年 11月 28日(星期四)

  • 每年 11 月第 4 個星期四都定為 Thanksgiving(感恩節),而今年就係美國時間 11月 28日。大部份嘅網店包括時裝飾品、鞋類、嬰幼兒產品、玩具、個人護理、運動或戶外用品、電子產品等等都有抵 deal 折扣,絕對係 Black Friday 嘅前哨戰。唔少網店都會喺 Thanksgiving 前幾日已經開始 Pre-Sale,驚去到 Black Friday 當日唔夠人快手,又或者驚產品斷碼嘅朋友仔都可以喺呢段期間搶先網購!

.Black Friday - 美國時間 2019年 11月 29日(星期五)

  • 今年嘅 Black Friday 比往年稍遲,會喺美國時間 11月 29日正式展開,即係全年最抵嘅一日!半價?3 折?唔止啊!各大網店喺當日會推出「One Day Deal」或「24 Hours Flash Sale」等限時優惠,有機會用 1 折價錢就買到心頭好,咁抵 deal 嘅日子,網購迷萬勿錯過。

.Cyber Monday - 美國時間 2019年 12月 2日(星期一)

  • 今年玩埋 12月!Cyber Monday 將會喺美國時間 12月 2日開始,主要優惠產品類別係各大電子產品,例如電腦、手機、數碼相機、音響、遊戲設備等。當然唔少其他類別產品例如時裝或家品等嘅 Black Friday 優惠到 Cyber Monday 都仲未完,仲未買夠嘅你可以繼續搏殺。

2. 留意開賣時間

美國東岸西岸相差 3 個鐘,而大部份網店多數跟從西岸時間開始折扣。今年 Black Friday 會喺美國時間 11月 29日零時零分開始,即係香港時間 11月 29日下午 3點。(但當然唔少 discounts 會預早開始㗎喇!)而英國、日本、澳洲等地部份網店都會喺當地時間 11月 29日做 Black Friday 優惠。

3. 準備購物清單及預先開設網店帳戶

相信唔少朋友平時都睇開網店,對於自己想搶購邊啲 items 都非常清楚。咁就啱喇,就由呢一刻開始預先準備好購物清單,將產品 bookmark 或加入網站 wish list,因為喺 Black Friday 呢個全年最抵嘅日子,絕對係手快有手慢無,慢幾秒都只可以飲恨望住件筍貨流走呀。當日只要優惠價一推出就直接將產品加入購物車,checkout 時就可以更快人一步啦。

想再快啲?梗係預先開設定網店會員帳戶,填好 Buyandship 海外倉庫地址,咁就萬無一失喇。
登入取得海外倉庫地址:http://bit.ly/1JAIUwe

4. 了解付款方式及準備多張有效信用卡

部份海外網店唔接受海外信用卡,就好似以熱門行李箱品牌 Samsonite 或鞋類品牌 Toms 為例,只接受以 Paypal 作為付款方式。為避免有 cut 單情況而錯失折扣優惠,可預先申請 Paypal Account 有兩手準備。同時,記得預先申請多張有效信用卡,建議使用曾經於外國網站購物成功嘅信用卡,以及加大簽帳額。

5. 於多個網站格價

有睇開我哋優惠資訊嘅朋友,都知道產品唔一定要喺官網買。就好似買波鞋嘅話,除咗可以去官網睇之外,其實唔少大型熱門波鞋網店例如 Eastbay、Footlocker、Shoes.com、PSY 等網店都有出售,折扣更比官網優惠更抵添。

亦可以使用我哋 Google Chrome Extension 工具,一鍵格價助你買得更順手:http://bit.ly/2O3b7Zd

6. 選定 Buyandship 為你的指定轉運公司

大部份美國網站都無提供直送香港嘅服務,就好似 Walmart、Ralph Lauren、Disney Store、Backcountry 等網店都唔會送貨到海外,只限寄美國本土。所以預先開設 Buyandship 帳戶,拎定海外倉庫地址就可以喺 Black Friday 時無後顧之憂咁血併,減少揀好心頭好先發現未能送港嘅煩惱!

仲有!Buyandship 為 eBay 合作伙伴,喺 eBay 網購並經 Buyandship 轉運回港可享有每月兩次 $78 運費回贈優惠!揀啱轉運公司絕對幫你慳上加慳呀!優惠詳情:http://bit.ly/2L0TesC


延伸閱讀:

👉 平買 Black Friday 靠集運!網購轉運攻略
👉 12 月及 1 月轉運特別安排