最強天書.平買 Black Friday 靠集運!網購轉運攻略

喺 Thanksgiving、Black Friday 同 Cyber Monday 期間,網購絕對係分秒必爭!預先喺各個購物網站填寫好我哋嘅倉庫地址,checkout 時就可以更快人一步啦~除此之外,其實網購完申報貨件都係重要一步,絕對會影響你嘅貨件到港日期~你知啦,網購完梗係想快啲收到戰利品㗎嘛,所以今次小編就準備咗呢以下幾個注意事項,熟讀攻略就包唔會出錯!

Black Friday 轉運攻略
 

平買 Black Friday 靠集運!網購轉運攻略

1. 填地址格式問題

如果喺網購時填地址出現 error 訊息或付款後出現 cut 單情況,地址一欄可嘗試以另一格式喺 Address Line 1 輸入 13822, Northeast Airport Way,咁就有機會成功買到。而專屬嘅 BS 會員編號請填寫於姓名一欄,填寫於地址欄的話可能會影響派送。而漏填會員編號的話則會影響入庫,甚至會分辨唔到份貨件係屬於邊個㗎!所以網購時謹記要填妥所有資料呀!

Buyandship 美國倉庫亦於今年 6 月份搬遷至更大嘅地方,所以地址係有更改過㗎!無論你上一次網購係幾時都好,俾錢前記得要核對你嘅收件地址及 zip code 同「海外倉庫地址」一頁所顯示嘅係咪一樣喇!

2. 付款方式及 Billing Address 問題

網購梗係要準備信用卡啦,唔少網店只接受 Paypal 作為付款方式,所以申請定就有兩手準備喇!而使用倉庫地址為 Billing Address 時,姓名請使用真名(不含BS為首嘅用戶名稱);當使用倉庫地址為 Billing Address 而付款失敗時,可以試試使用你本身真正地址。

3. 申報問題

由於預計 Black Friday 貨量會以幾何級數倍增,所以有機會係收件當天無辦法全部處理好,倉庫同事會於貨件送達後 2-3 天安排入庫。同時,我地會優先處理準時申報嘅貨件,如果貨件無喺到達倉庫前申報的話,未申報通知會喺倉庫收到貨件後 2-3 天內發出,收到你嘅申報後再處理貨件。所以大家記得一收到 tracking number 好即刻申報喇,否則就會延誤出庫時間!

喺 Black Friday 高峰期期間,預期出庫同埋空運時間都會無可避免咁受到影響,一般而言貨件入庫後需要 2-3 個工作天安排出庫。另外,由於喺呢段時間期間嘅貨運量大增,如果遇上航班延誤或等候機位既情況之下,貨件有機會需要額外 2 – 4 日先可以到達香港倉庫。

4. 貨件限制

喺呢段購物旺季期間,記得唔可以轉運長/闊/高任何一邊超過 140cm 嘅美國貨件啊,否則貨件會運唔到返嚟㗎。同時亦要謹記唔好購買禁運物品,否則亦會對貨件清關造成影響,咁就需要更多時間先收到你嘅戰利品㗎喇!

詳細禁運目錄:http://bit.ly/2oEmppn

5. 取件問題

而喺呢段物流高峰期期間,本地運輸亦需要更多時間先可以送達你所揀選嘅取件地點。Buyandship 自提點有機會需要額外 1-2 天送達;Alfred 智能櫃、Alfred Point、OK 便利店以及送貨服務有機會需要額外 2-3 天送達。如果急需取件的話,建議選擇於 Buyandship 葵芳自提點取件。

詳細取件地點:http://bit.ly/2MTY6Oi

提提你:通常係辦公時間之內,我哋會盡力喺 5 – 10 分鐘之內解答你嘅問題,不過由於 Thanksgiving / Black Friday / Cyber Monday 期間會比平時更多查詢,所以客服有機會需要 1 小時先可以回覆大家(非辦公時間可能要更長時間),希望各位客官高抬貴手,耐心等候。