橫掃歐盟:十大歐洲網店大檢閱

正所謂「集運零距離,網購意大利」。既然 Buyandship 喺意大利插旗,咁就梗係睇睇歐洲網店有咩買,橫掃整個歐盟啦!其實唔止意大利㗎,德國、荷蘭等網店統統都寄到!以為歐洲就一定係買名牌?咁就真係錯喇!即刻睇睇我哋推介嘅十大歐洲網店大檢閱!


十大歐洲網店大檢閱

Telemark Pyrenees

匯集超過 50 個歐洲戶外品牌包括 22Designs、Blue Ice、Climbing Technology 等,專門出售滑雪旅遊設備、登山裝備、戶外服裝、露營或旅行用品。CS 團隊仲會隨時為您所選嘅裝備提供意見,100% 信心保證。

Studio Arch

出售各款男女裝皮革手袋、皮革小物同行李箱。話晒意大利都係皮革之都,亦係全球皮革商重要匯聚地,識買皮一定係喺意大利網購!唔少適合男士女士嘅 Clutch Bag 更係採用 Bovine 牛皮製造!

YOOX

係數一數二嘅意大利名牌網店。雲集超過 5,000 個國際時尚品牌,能夠將產品價格調到最低,全因為 YOOX 嘅倉庫就喺意大利,入貨享盡地利之便,所以唔少「包包」售價都比起其他名牌網低。唔止咁啊,YOOX 仲同意大利政府達成合作,全力開發新平台支持小品牌,真係無論名牌定小品牌都搵到!

Holland at Home

相信大家都對荷蘭之家 Holland at Home 唔陌生。坐落在荷蘭首都阿姆斯特丹,係一間以母嬰奶粉為主嘅網店,專門出售荷蘭牛欄、美素產品,亦有唔少美妝護膚、有機嬰兒用品出售。

Windeln

德國慕尼黑本土母嬰產品網店,提供超過 2 萬種產品,超過 300 個國際品牌嘅嬰奶兒用品!產品範圍包括尿片、嬰兒食品、身體護理、餵食用具、嬰幼兒服飾甚至嬰兒監視器、嬰幼兒安全產品等都有,類別非常廣泛,可以話係新手爸媽必掃網店!

Pimkie

以為意大利就一定係買名牌買貴嘢的話就錯喇,一樣都有平價服飾品牌俾大家買買買呀!Pimkie 主打年輕女生市場,設計充滿青春活力,經常推出新款式,非常受歐洲女生歡迎架!

OVS

OVS 為意大利最大型連鎖服飾品牌,由男女裝、童裝以至嬰兒服飾都有。款式由休閒服飾、運動服裝以至上班族服裝都可以喺度搵到,童裝方面更有卡通人物聯乘系列,好似 Disney、Batman、Star Wars 等等,小朋友見到一定會愛上!一間網店就可以滿足到唔同需求,絕對不能錯過!

Privalia

Privalia 係意大利大型商品折扣網站,就好似一個網上版嘅 Outlet 一樣,喺呢度可以用比市價低嘅價錢買到各大歐美人氣品牌商品,包括 Toms、Under Armour、Daniel Wellington 等。佢哋嘅優惠都係限時架,部分更加只會做一、兩日,想買平嘢就要捕實喇!

Zalando

雖然話英國都有 Zalando,但係每個國家都會喺唔同時段推出唔同優惠,就好似而家咁意大利 Zalando 做緊低至半價優惠,而英國係冇架!所以一樣要 Bookmark 佢呀!另外 Zalando 亦有 Zalando Prive,以 Outlet 形式運作,每日更新不同嘅限時優惠,折扣更加高達 75% Off!

Amazon Italy

講到必掃網店又點少得全球大型網上平台之一 Amazon,佢哋喺意大利同樣設有分支,無論係 Fashion Items、廚房用具以至汽車零件都一樣有!順便提提大家,嚟緊嘅 Amazon Prime Day 記得要睇埋 Amazon Italy 呀!