潮友必捧長青品牌-五大用戶至愛潮牌

講到潮牌,Supreme 肯肯定係當之無愧嘅其中一個,可以稱得上係「潮牌」嘅代名詞!但其實市面上咁多潮牌,加上個個月都話有新潮牌崛起,真係點追都追唔切!喺眾多潮牌當中,小編就盤點咗呢五大 Buyandship 用戶至愛潮流品牌,當中部份更係長青款式,著幾年都唔會 Out,保證「長期流行」!而且網購價錢仲夠貼地,一定係每個人都著得起潮牌!


五大用戶至愛潮牌

美版 Champion
日版 Champion

眾所周知 Champion 有分美版同日版-美版尺碼就大件啲(通常要買細一個碼),但定價就會平少少比較抵玩,短袖 T-Shirts 都只係由 US$14.99 起(即約 $116 起);而日版個 Cutting 就適合亞洲人,質料亦比較厚身!夏天簡單著住件 Pocket 版 Champion Logo Tee 已經可以輕易襯出潮 Look !

Patagonia

美國知名戶外品牌 Patagonia 除咗係 Outdoor 專家,更非常注重環保同具有社會責任,一直堅持採用 100% 有機棉製造各種戶外服飾,連發哥周潤發都撐!近年亦俾唔少潮人追捧,當中皇牌風褸 Torrentshell Jacket 更係山系潮著必備單品!

始祖鳥 Arc’teryx

雖然貴為加拿大頂級戶外服裝品牌,但網購一定抵玩好多!Arro 22 系列背囊面世多年魅力無減,仲被譽為潮男必揹背囊之一。除咗背囊,佢哋出品嘅戶外服飾亦不容忽視。

Aigle

呢個來自法國嘅戶外休閒品牌,除咗有應付雨季必備嘅雨靴係人氣 items 之外,佢哋嘅吸水速乾 T-Shirts 都好值得留意!一向都以質料取勝,同時亦可以保持身體乾爽,絕對係夏日必備潮著單品!

Niko and…

日本牌子無論係設計定用料上都比較細緻,除咗家品,佢都出售唔少生活雜貨同服飾,喺日本廣受歡迎,同時亦係唔少人遊日必行嘅潮店!佢哋嘅服飾以休閒配搭風格為主,輕易就可以襯出充滿休閒感嘅隨性 Style!唔講唔知,日本本身嘅定價都比香港門市平三成,趁住特價上去掃貨就抵上加抵啦。