日本網購懶人包!20 大必睇網店總整理

前排放假先去完日本血拼,點知一返嚟就推出咗日本限定新品?日牌做緊大減價但又請唔到假飛過去掃貨?唔洗驚定啲嚟,坐喺屋企(或者公司,你懂的)都一樣可以大買特買,因為只要用 Buyandship 就可以幫你將戰利品運返香港,網購都一樣可以買到大出血呀!

仲未知喺邊間 Shop 可以買到心水貨品?咁就要 Mark 實呢個日本網購懶人包,小編精選 20 大日本網店一次過介紹俾大家,上至潮流服飾,下至日本家電都一應俱全,滿足哂各位看官嘅需要!當然唔好忘記要 Like 埋 Buyandship Facebook 專頁,咁就唔會錯過任何抵 Deal 啦~


潮流服飾

Zozotown

Zozotown 集結多個日牌,絕對係日牌愛好者必定要 Save 低嘅網店!Beams、Beauty & Youth、United Arrows、Journal Standard 等日牌都可以喺呢度一次過買哂返屋企,呢啲牌子喺香港 Mark Up 高好多架!

Zozotown 以 Amazon Pay 付款教學:http://bit.ly/2FRVtfa

Head Porter

Head Porter 將於今年停產,鍾意佢哋設計嘅 Fans 們又唔洗特登飛過去買嘅,網購都一樣可以入手!登記成為會員更加可以享有會員尊享優惠,咁抵買一於掃多幾個!

Atmos

唔少人去日本掃貨都一定會去 Atmos,皆因呢間 Shop 真係同好多品牌合作推出聯乘商品,亦有好多產品係得呢間先有得賣,出面搵唔到架,絕對係潮人必睇網店!

Jelly Beans

Jelly Beans 嘅鞋出名好著,就算係高跟鞋都唔會著完一日就覺得隻腳好痛,所以好多 OL 都會買佢架~佢哋周不時都會推出低至 3 折優惠,只要學識網購,買靚鞋真係冇難度呀~

Nanamica

Nanamica 大家可能未必有去行過,不過 The North Face Purple Label 相信大家都唔陌生啦~呢條 TNF 嘅日本支線設計上比美版更精緻,更加符合亞洲人身形,想買呢個 Brand 嘅最新產品就要上 Nanamica 睇睇喇!

             

Football-MAX

支持日本隊想買返件靚波衫?咁就梗係要去 Football-MAX 啦,無論係鍾意日本 J-League、英超定西甲都好,喺 Football-MAX 都可以搵到相關周邊產品!

ABC Mart

日本網購又點少得每次去到日本都必入嘅舖頭 ABC Mart 呢~除咗減價夠哂吸引之外,仲有好多日本限定色同限定款都可以經 ABC Mart 輕鬆入手,仲洗咩自己飛去抬返黎先得架~

藥妝產品

Plaza

Plaza 係日本大型嘅連鎖美妝雜貨店,喺呢度可以買到日本最新美妝產品,同時亦有各種精品雜貨,更有唔少係 Online Store 限定商品,就算親身飛過去都買唔到架,一於坐定定網購啦~

松本清

去日本必行嘅藥妝店松本清一樣設有網店,想補貨或者試新嘢都一樣可以網購入貨喇!網購仲可以俾你慢慢揀,唔洗喺舖頭同人左迫右迫嘛~留意返第一至第三類藥品都係唔可以轉運,買化妝品同護膚品就冇問題喇!

禁運物品目錄:http://bit.ly/2oEmppn

Kenko

除咗松本清之外 Kenko 亦係另一間大型藥妝店,除咗有護膚品、化妝品、母嬰產品、保健品之外,甚至連家電、護理用品等都可以喺呢度搵到,夠哂一站式!

母嬰產品

西松屋

想要網購日本母嬰產品一定要睇睇西松屋,佢哋嘅 Disney 系列又靚又可愛,唔少媽媽都係一買就買成箱返去架!而且佢哋價錢仲非常之平,減價時更可以做到 198円(約 HK$14)兩件衫仔,慳埋慳埋又可以買多啲其他嘢俾囝囝囡囡啦~

Babydoll

Babydoll 嘅童裝同樣抵買,而且尺碼由 80-150cm 都有,咁就更多選擇啦~佢哋亦有推出 Disney、Hello Kitty、Minions 等卡通系列,一於叫埋囝囝囡囡一齊揀吓鍾意邊件啦~

F.O. Online Store

覺得卡通公仔唔夠型仔型女,F.O. Online Store 就幫到你啦~佢哋出售嘅品牌包括 BREEZE、Champion、apres les cours 等,要打造潮童真係話都冇咁易!

日本 Disney Store

迪士尼嘅卡通人物咁得意,相信由 3 到 80 歲嗁朋友仔都係佢哋嘅 Fans!日本 Disney Store 經常都會推出新產品,仲要款款都咁靚,只要網購就可以帶哂佢哋返屋企喇~

家品食品

Belle Maison

鍾意 Disney 嘅朋友仔一定要識 Belle Maison 呢間網店,佢哋推出多款 Disney 家品,由床單、地毯、窗簾、收納用品等等都一應俱全,而且仲成日出新款添架!

Blue Bottle 咖啡

熟悉咖啡以及日本嘅朋友仔都一定識得 Blue Bottle,唔少人去到日本都要去朝聖架!其實想買飲佢哋嘅咖啡,網購都一樣可以,仲有各種套裝可供選購,自用定送禮都冇問題。

家電百貨

Yodobashi

日本又出左新款美容機?想買個新款日本電飯煲?唔洗自己去抬返嚟嘅,上 Yodobashi 網購就得啦!各類大小電器、數碼產品都可以喺呢度買到!買電器前記得留意一下產品電壓,如果同香港唔同就要使用變壓器喇~

Bic Camera

Bic Camera 相信大家都唔陌生,同樣都係日本大型電器商店,出售多款最新最受歡迎嘅電子產品,想緊貼日本買到最新產品再也不是夢呀!除咗電器之外亦有食品、飲品、日用品、藥妝等等,想買咩都得呀!

日本 Amazon

Amazon 絕對係尋寶嘅好地方,上至服裝下至家電都可以喺呢度買得到,而且有優惠時仲平過市價添架!好似 Gregory Backpack 咁,最平嘅時候用 ¥6678(約 HK$463)就買到個,夠哂抵用!

日本樂天

日本人咁有創意,就連普普通通嘅家居用品都可以俾佢哋設計到充滿特色,好似前排好 Hit 嘅 AS 快眠枕、茶几麻雀檯等等!如果你都想將呢啲創意帶返屋企的話,樂天市場就絕對幫到你,基本上所有商品都可以喺呢度搵到,要買真係無難度!