千祈咪以為網購係女士嘅專利，查實我哋係有男小編㗎！
話咁快又嚟到每年一度嘅大出血時間，今年就等我叉燒為各位男士會員盤點有乜精選荀貨啦！無論你係單身貴族，已有伴侶定或已經成家立室都好，作為一個男人對住以下呢埋精選貨品，我相信實有一兩件啱你心水嘅。
相信唔少男士屋企都會有部 PS4，得閒用嚟同班老死打下 FIFA，都不知幾爽。小編前排仲愛上咗用 PS VR 打機，無論係打槍 Game 定係玩育成系列 (你懂的) 都真實感爆棚，講起都有啲驚上癮呀！小編決定買呢舊 VR 眼鏡前都真係諗咗一排，大拿拿成二千幾蚊部喎，分分鐘仲貴過部主機呀！有同樣問題嘅你而家就有福啦，嚟到 Black Friday 前夕，唔少外國網店都開始做緊減價，係 Amazon 上面全新嘅 PS VR 只係賣緊 US$220，兌返只係港幣大約 $1,700，等於做緊78折，到咗 Black Friday / Cyber Monday 嗰幾日分分鐘仲會再減價，有興趣就 bookmark 定呢條 Link 啦！
除咗打機之外，日常生活又好返工又好，無一部靠得住、見得人兼可以用嚟片消磨時間嘅平板電腦或者電腦又點得㗎？講 Design 型就緊係 Apple 機最型啦，不過閒閒地都幾千至一萬蚊一部，就係想買都要諗過度過先呀！不過作為小編上網買嘢咁叻，緊係有門路搵到平貨比大家啦！其實 Amazon 上面有唔少 iPad 同 Mac 嘅翻新機，雖然型號舊就舊啲，但係功能上仍然唔失禮！例如有 Retina 屏幕嘅 iPad 3 咁，翻新機價只係圍返港幣 $800 左右；另外 2012 出產，配備 i5 雙核心嘅翻新機 Macbook Pro 計返都只係買港幣 $3,200 左右，真係破底價！
對於一個成功嘅事業型男士嚟講，有咖啡嘅 morning 就一定係 good morning！一部好嘅咖啡機隨時係決定你嗰日工作效率嘅關鍵。小編就發現到上 Amazon 買 Nespresso 咖啡機嘅價錢平均只係香港行貨價嘅 6 折，而且去到 Black Friday 時極有機會仲有得平！即刻 mark 實呢條 Link 準備到時入貨啦！
一個事業型男士收咗工會變成乜嘢？咪就係型男囉，而作為一個型男，冬季嚟到又點可以無件型爆軍褸傍身先？Alpha Industries 就有勁多款唔單止設計型兼且價錢實惠嘅軍褸，無論你鐘意乜 Style 嘅軍褸都緊會有一款岩你心水。上年 Black Friday 期間佢地仲有全網最高半價優惠，好難忍手呀！
最後一個為大家推介嘅就係賣 bag……丫唔係，係 mybag.com 先岩。不過 sorry，呢個網係賣女裝袋嘅。咁點解我要介紹比大家呢？嗱你哋諗下，無啦啦 Black Friday 入咁多貨好難同女朋友／老婆交代㗎嘛，不過咁啱 12 月又係聖誕喎，咁只要順手上去買個包包比女朋友，咁就比人詐型時都可以有個擋箭牌啦，大家男人，你明嘅。上年佢哋 Black Friday 期間就有做 30% OFF 優惠，咁就買個貴啲嘅都唔會肉赤啦～