調配出專屬於您的保健品 — Care Of


唔知道大家有無食保健品嘅習慣呢?無論係去專櫃買又好,去專門店買都好,面對住一樽樽唔同功效嘅保健品真係無從入手,最大既問題就係買左一大樽返去又唔知啱唔啱自己食,加上想要唔同功效又要買唔同嘅保健品,搞到屋企一樽二樽真係見到都頭痛。今次小編就為大家介紹一個提供個人化保健品套裝嘅網站 Care Of,等大家可以更加「對症下藥」,保得其所!
Care Of 官網:http://bit.ly/2FhbtUM


Care Of 於 2014 年創辦,只要回答幾條簡單問題,將你嘅生活習慣以及目標話俾佢哋知,Care Of 就會為你設計出專屬於你嘅保健品配方!即刻同小編一步一步睇吓係點玩啦~


整個過程分為 4 個階段,首先會問你嘅基本資料,例如姓別、對懷孕嘅計劃、年齡、居住地區、服食保健品嘅習慣等。地區上佢哋只接受美國地址,大家可以填上我哋美國倉庫嘅「Oregon」。



第 2 階段係關於你嘅目標,可以揀選 3-5 樣你想要針對嘅功效。小編就試揀咗 Energy、Skin、Stress 三樣。


之後嘅問題針對你所揀選嘅達成目標而設,例如對皮膚嘅顧慮、有無失眠問題、情緒失落等狀況。




再下一階段就係關於你嘅生活及飲食習慣,例如一星期內進食海鮮、肉類、蔬果、酒類飲品嘅次數,仲會問關於眼部健康狀況,詳細了解你嘅需要。




最後就會問返你有無對任何食品過敏,對於中藥或新藥物會否抗拒等,從而對症下藥。



完成所有問題後網站就會為你設計出專屬嘅保健品套裝,好似小編咁針對皮膚問題就有 Astaxanthin,針對骨骼有 Vitamin D 以及 Magnesium,對付壓力問題就有 Rhodiola 以及 Ashwagandha 兩種。



每一款保健品都有詳細介紹,包括好處、來源地、所包含嘅成份,亦會清楚列明有幾多研究支持呢款保護品嘅成效,令用家更安心。


價錢會因應保健品嘅組合而有所不同,小編嘅專屬配方為 US$39,呢個價錢係一個月嘅份量,即約 HK$305。Care Of 會自動於下一個月再寄出你嘅保健品套裝,如果你想先試一個月睇吓成效係點的話,只需要落單後 Send E-mail 話俾佢地知你想先試一個月就可以喇~


整個過程都非常簡單易明,唔洗 10 分鐘就可以調配出專屬於你嘅保健品!就連包裝上都有埋你個名,夠哂獨一無二!價錢上亦十分相宜,比起囤積一樽樽唔同功效嘅保健品更符合經濟效益!有興趣想試吓嘅就立即上佢哋官網睇睇啦~


未試過外國網購?想知道點買同收費詳情?

美國、英國、日本、韓國轉運劃一收費,葵芳/荔枝角自取每磅 $22,其他自提點/自提箱每磅 $24,簡單幾步將產品轉運到港:
.轉運流程:http://bit.ly/1MndMrF
.實重收費:http://bit.ly/1UNWq8V
.全港 66 個自提點及 45 個自提箱:http://bit.ly/1q3ogCD