今次回購返之前北海道拉麵禮盒入面嘅咖哩拉麵 呢款拉麵係由苫小牧市味の大王出品，創辦人想喺60年代札幌味噌拉麵熱潮中殺出重圍，於是成功炮製出受歡迎嘅咖哩拉麵，係北海道咖哩拉麵嘅始祖 湯底用>120°C嘅濃厚豬骨湯，再加十幾種獨門香料同埋生果熬成，麵係北海道出名嘅菊水製麵廠用特殊製法整成嘅寒干麵，生麵唔經油炸，非加熱同低溫乾燥咁風乾，食落滑身有咬口又比一般麵擺得(製造日起90日 ❇️食評：咖喱湯聞落超惹味，比一般湯底杰身濃郁，辣味同甜味平衡，辣度似X仔5小，攣身麵條掛汁有彈性帶淡淡麵粉香，同咖喱好夾，自己加咗蛋，吉列豬同甘筍真係好好食😋 食得下辣嘅人必試👍🏼