對於唔少第一次接觸網購或者使用 Buyandship 轉運服務嘅朋友仔嚟講，喺過程中應該都遇上唔少疑難，或者對各個步驟都有唔清楚嘅地方，今次小編就集合多個較常見嘅問題，一次過為大家拆解 Buyandship 使用方法！
網購轉運新手懶人包！Buyandship 轉運流程相關常見問題
Q1：點解我入唔返自己帳戶？我有貨等緊集運㗎！
A1：Buyandship 網站係直接連結至你嘅 Facebook / Google 帳戶，如果無法登入的話，一般都係因為你有多於一個 Facebook / Google 帳戶。如遇上此情況請先於 Facebook / Google 確認你已登入至用作登記成為 Buyandship 會員嘅正確帳戶後，再於 Buyandship 網站上點按相關帳戶登入。
Q2：買完嘢要點做？
A2：當賣家發貨後會向你提供 Tracking no.，收到後請盡快於「會員中心＞貨件申報管理」申報貨件，所有於送達倉庫前未有申報嘅貨件都需要額外時間作處理。如果唔清楚由邊間速遞公司送貨的話，於申報時「派送到倉庫之快遞」一欄選擇「其他」即可。
Q3：我入錯咗貨件資料可以點更改？
A3：點按 Tracking no. 後即可於左下角選擇刪除該項申報，重新再輸入正確資料申報就可以喇。
Q4：我冇 Tracking no. 可以點樣申報？
A4：如果賣家冇提供貨件追蹤編號（Tracking no.），或貨件係以冇追蹤編號嘅方式寄出的話則暫時不用申報。如果你喺網購時所填寫嘅地址正確，並有喺收件人姓名上填上正確 User ID，當貨件到達倉庫後，我哋會經電郵發出「未申報貨件通知」，當中會顯示貨件嘅貨件追蹤編號（Tracking no.），收到相關電郵後請立即到「會員中心＞貨件申報管理」申報該貨件。若 30 日內仍未申報，該貨件將會當作棄件處理。
Q5：我已經申報咗，點解仲收到電郵話我有未申報貨件？
A5：如果你收到我哋嘅未申報通知而你喺呢段期間有網購的話，請先確定你所申報嘅係 Tracking no. 而非 Order no.。未申報通知係根據貨件上收件人一欄嘅 User ID 而發出，如果未申報通知中嘅 Tracking no. 同你所申報嘅唔一樣，有機會係賣家所提供嘅並非正確 Tracking no.，又或者係當地運輸係最後一程換上其他快遞公司，Tracking no. 就會同賣家所提供嘅有唔同，只需要根據未申報通知嘅號碼重新申報就可以。
如果你確定你或親友都冇使用你嘅帳戶喺海外網購任何貨品的話，亦可以通知我哋刪除相關未申報通知。
Q6：我件貨到咗海外倉，我都未集運就出咗庫嘅？
A6：所有海外入庫嘅貨件都會自動安排出庫送往香港，到達香港倉庫後再進行合併。貨件可於香港倉庫免費存放 21 日，請於 21 日內合併集運貨件。
登入後可於「會員中心 > 貨件申報管理」查看貨件最新狀況。
Q7：「自動轉運」同「合併集運」有咩分別？
A7：「自動轉運」嘅貨件喺到達香港後會直接運送至你所選嘅自提點，系統亦會自動扣減你帳戶中嘅 Buyandship 積分以抵消運費；「合併集運」嘅貨件到達香港倉庫後你將會收到電郵通知，你可以將貨件合併運送至你想選用嘅取件地點。Buyandship 於全港設有超過 300 個取件地點，無論港九定新界都一樣方便！
而「自動轉運」模式只能選擇於 Buyandship 自提點取件或送貨上門，「合併集運」則可選用所有我哋提供嘅取件地點以及派送服務，例如想於 OK 便利店或順豐站等地方取件的話，請選用「合併集運」，即使只有一件貨件亦可以。
Q8：我件貨去到「轉運單貨件」呢個位就顯示埋完成時間，但我仲未拎件點會係完成？
A8：貨件送到海外倉庫後會經歷「海外入庫」、「海外出庫」以及「本地倉庫」三個步驟，如果你申報時係選用「自動轉運」的話，當貨件送達「本地倉庫」後就會自動送往你所選嘅取件地點，所以唔會喺「本地倉庫」一欄出現並會自動跳至「轉運單」。
而選用「合併集運」嘅貨件到達「本地倉庫」後係需要選擇於邊一個地點取件，集單後就會建立一張新嘅轉運單，貨件亦會轉去「轉運單貨件」一欄。之後要再追蹤貨件去向，就需要喺「轉運單」頁面查看。
Q9：我明明合併咗幾件貨送去指定地點，點解隔一陣又唔見咗張轉運單？
A9：如選用 Alfred 智能櫃、Alfred Point、OK 便利店等取件地點的話，都必須先由倉庫同事量度貨件是否符合取件地點嘅尺寸及重量限制，如符合限制的話你將會收到付款通知，收到款項後我哋就會將貨件交俾相關物流公司出貨至你所選嘅取件地點。
如貨件尺寸過大或過重以至不適用於你選擇嘅取件方式的話，轉運單就會被取消，你亦會收到電郵通知表示轉運單出現問題不能正常發貨，請重新選擇其他不設限制嘅取件地點，如 Buyandship 自提點或順豐站，亦可選擇派送上門服務。記得記得唔好再揀返同類型嘅地點喇，咁樣倉庫同事又要重新再量度一次，你又要再耐啲先收到貨㗎喇～
取件方式概覽：http://bit.ly/2MTY6Oi
Q10：我想用派送服務，點解揀唔到送貨地址？
A10：使用派送服務的話需要先喺「新增派送地址」一頁填寫你嘅收件地址，經由我哋驗證後先可以選用。留意派送服務目前未有覆蓋部分偏遠地區如沙頭角禁區內、所有離島等，而填寫地址時亦請唔好填寫其他快遞公司自取點或便利店地址，因為呢啲地方係唔會有人代付運費㗎！
Q11：我可唔可以揀你哋網站上冇嘅 OK 便利店/順豐站/智能櫃取件？
A11：只可以選擇列明喺我哋網站上嘅取件地點，其他唔喺表內嘅取件地點都未有提供呢項服務㗎～
Q12：戶口入面嘅積分喺邊一步用？取件時先扣分？
A12：「自動轉運」的話系統會自動扣減帳戶裡面嘅積分，而「合併集運」的話就需要喺合併貨件時填寫需要使用嘅積分，喺「使用積分」一欄填上積分數目即可，如果唔用積分亦需要填上「0」，否則係無法完成合併～記得要喺呢一步輸入呀，轉運單建立後就無法更改㗎喇！
Q13：點樣俾運費？淨係可以信用卡？
A10：支付運費方式視乎轉運模式及取件地點而定。如選擇自動轉運並於自提點取件或送貨上門，系統會自動扣減積分，如積分不足，餘額需於取件或派送時以現金支付，若於 Buyandship 自提點取件的話亦可使用八達通付款；如選擇合併集運方可使用信用卡支付，建立轉運單時可先選擇以積分扣減運費，當轉運單完成檢查後再以信用卡支付餘額。
Q14：張轉運單顯示準備發貨，係咪可以去取件喇？
A14：準貨發貨嘅轉運單代表倉庫同事已經處理咗你嘅貨件，正等待或正送往相關取件地點，喺未收到提貨密碼前都係未可以取件㗎！當貨件可以提取時我哋會以電郵通知你，而喺轉運單一頁亦會顯示於「可以取貨／安排派送」欄中。
清楚哂成個流程？即刻拎海外倉庫地址掃貨👉 http://bit.ly/1JAIUwe