日本樂天真係有好多嘢買，基本上你想買咩日本製造都可以喺樂天網購得到，想幫小朋友買各種用品都可以喺樂天選購。想買得再平啲就要睇吓小編準備嘅攻略喇，因為樂天有好多網店都有提供優惠券架！
👉 睇埋西松屋網購教學：http://bit.ly/33J2it5
👉 日本樂天：http://bit.ly/2VmHzHo
網購攻略！日本樂天優惠券使用教學 唔識日文都買到
日本樂天為日本最大型網店之一，無論係時尚服飾、童裝、家品、食品、寵物用品等都可以喺樂天選購。
進入優惠券頁面
日本樂天每日都會有多款優惠券俾買家領取，只需要拉到「かしこく、お得に 」欄中點按「クーポン」 ，亦可以直接經此連結進入優惠券頁面：http://bit.ly/36ZTfpv
挑選相關類別之優惠券
頁面裡面會有各款優惠券可供領取。如果想領取童裝店舖嘅優惠券，可以拉到較落位置，點按 「キッズ・ベビー・マタニティ」（即紅框位置），或經此連結進入頁面：http://bit.ly/33J8uRD
領取優惠券
入到嚟就有多款童裝或嬰幼兒用品優惠券等緊你喇～想要邊張只需要點按「クーポンGET」就 OK！
優惠券相關詳情
成功 GET 後會進入優惠券相關頁面，有關使用詳情都會喺呢度列明清楚，點按紅框位置即可直接進入相關商品頁面。
使用優惠券
挑選好要購買嘅貨品後可以到購物車進行付款，記得要確認優惠券係咪已經套用至訂單當中，如果冇的話就可以點按「クーポン利用」旁邊嘅「変更」，再揀選需要使用嘅優惠券然後按「更新」。
確認所有資料無誤後就可以提交訂單！就係咁樣又可以慳到幾百甚至幾千 Yen 再買過喇～優惠券只限樂天會員使用，而登記成為會員係免費架，睇埋教學片絕對學得識點樣可以買盡日本樂天！仲有，唔識日文真係唔緊要，只要用 Chrome 瀏覽器嘅翻譯功能就無問題啦～
*價錢或會因供求而調整，一切以網站為準。
