轉運 Dos & Don’ts,網購泰國太輕鬆

Buyandship 又有新倉庫登場喇!今次嚟到東南亞,帶大家一齊買盡泰國各種平價好物!實在「泰」開心喇!不過落單前都記得要留意有咩注意事項,咁先買得安心又放心嘛~唔好唔記得註冊成為 Buyandship 會員即送你 $20 轉運費用俾你試用,已經係會員嘅亦可以將你嘅推薦朋友碼 send 俾你個 frd,齊齊賺 $30 運費,一齊「泰」好運!


Dos

tick 留意匯率

泰國貨幣為泰銖,大部分網店都會以 THB 或符號 ฿ 嚟標示價錢,HK$1 大概等於 3.93THB,另外亦要留意銀行收取嘅手續費。

tick 留意泰國折扣季

泰國當地大型折扣季主要為每年 6 月下旬開始,一直到 8 月底都係泰國年中折扣季。其他時間如父親節、母親節等亦會有各式各樣嘅折扣,睇實 Buyandship Facebook 專頁就可以睇到最新優惠情報喇!

tick 善用 Google Translate

泰國網店大多都以泰文顯示,有部分亦可轉換為英文甚至中文。如果冇的話就要靠 Google 大神喇,建議大家於泰國網店網購時可使用 Chrome 瀏覽器,即使網站冇英文版本亦可以用 Chrome 將整個網頁翻譯成中文或英文。

tick 正確輸入電話號碼

部分網站會要求輸入國際區號 +66,而一般泰國網站只需要輸入「0932264691」十位數字嘅泰國號碼就可以喇~

tick 留意出庫時間

泰國轉運服務暫定為每週出庫一次並定於週二出庫,首次出庫日期為 8 月 27 日,想快啲收到戰利品就要夾好出庫時間網購喇!

Don’ts

cross 選購禁運產品及超過尺寸限制

Buyandship 泰國轉運服務嘅禁運物品包括任何宗教物品、液體、茶葉以及含電池嘅產品,膏狀物品就無問題,所以記得買 Lotion 類好喇,唔好買按摩油呀!而尺寸限制為長闊高其中一邊不可超過 50CM、或長闊高三邊總和不可超過 100CM。如果超出以上任何一個限制的話,有機會需要付出額外費用、被倉庫拒收貨件、退件、無法寄出或按體積重收費。詳細禁運目錄:http://bit.ly/2MqleaS

cross 購買到付產品

正如上面所填及,倉庫係唔會代繳任何款項,所有到付貨件都會一律拒收。想快啲收到心頭好的話就記緊要於網上繳付所有款項喇!

cross 漏填 User ID

填寫收件人資料時務必要再三確認是否有填上你嘅 User ID,呢個係我哋用作識別貨件嘅方法,所以真係非常重要架!一定一定一定要填呀!