三分鐘學識:網購集運懶人包!

您都想參與一年一度 Amazon Prime Day 盛事?話晒減價程度仲勁過 Black Friday,想買就梗係要學識網購轉運啦!對「網購轉運」有猶豫?唔怕,小編整理咗呢篇新手必讀嘅網購轉運教學懶人包,唔洗 3 分鐘就可以令您輕鬆上手!

新手簡單四步曲

第一步:
登記成為 Buyandship 會員、取得香港海外倉庫地址登記後,就可以開始網購!

第二步:
只要您喺美國、澳洲或日本等地任何網店買嘢,而該網店又支援海外信用卡付款,您都可以填上Buyandship海外倉庫地址,由我哋幫你轉運貨件,然後轉派到自提點俾您取件。

第三步:
網店發貨後賣家會 send 一組 Tracking Number 俾您,到時您上返我哋網站申報貨件就得,您嘅貨件就會自動轉運返嚟香港。

第四步:
貨件返到香港就梗係取件啦!我哋提供全港超過 270 個提貨點俾您選擇,您亦可以選擇送貨上門,真係足不出戶都買到戰利品!

網購新手小工具

Chrome 瀏覽器

如果您唔識日文,但又想喺日本網店買嘢,其實可以點做呢?放心,其實宜家網購盛行,唔少海外網店已經支援英文介面。即使無英文介面,您可以下載 Chrome 瀏覽器,佢哋強項就係內罝支援翻譯功能。當您用 Chrome 瀏覽其他語言嘅網店時,Chrome 會問你是否使用翻譯功能,咁就可以將日文或韓文翻譯成中文或英文,checkout 無難度!

PayPal 電子付款系統

雖然唔少網店都接受海外信用卡,不過亦有唔少網店只接受 PayPal。佢係一個電子付款系統,可以助您喺購物網站進行網上付款,簡單快捷。

XE 滙價轉換

利用呢個免費嘅貨幣轉換器,就可以一邊購物,一邊計算即時貨幣以及外幣匯率。

Buyandship Chrome Extension

如果您本身已經鎖定咗心頭好,但又唔想自己「行勻」所有網店格價,咁就要安裝我哋推出嘅「Buyandship 格價 Chrome Extension」。顧名思義係幫您格價,只要使用 Chrome 上網,再安裝埋呢個 extension(係免費㗎!),就可以即時顯示出你睇緊嘅產品喺其他網店嘅價錢,幫您慳錢慳時間,令您格價更快手!

Buyandship 網購優惠資訊

如果您本身無乜心水,但又想知有咩抵買,咁就要鎖定我哋嘅網購優惠資訊。小編們每日都會努力更新,話您知有咩抵買,直接計埋俾您睇同香港門市嘅差價,輕鬆幫您慳到盡。