雖然話網購買嘢已經慳咗唔少，但點樣先可以再慳多啲運費？成日聽我哋講「集單」，究竟咩叫「集單」呢？如果您分別喺美國同澳洲網店網購，點先可以集埋一齊？小編即刻同您大解構！
兩大轉運模式分別
自動轉運
如果您只係買一件產品，首選必定揀「自動轉運」。
優勢：快！貨件一到本地倉庫，就立即轉送去您所選嘅取貨點。
合併集運
網購兩件或以上產品／不同國家產品必選 + 慳運費首選！而所謂嘅「集單」，就係當您申報時選擇「合併集運」，我哋就會將您所有貨件先運返本地倉庫，再集埋一齊送落您所選嘅取貨點！
優勢：運費以多件貨件合計之總重量計算，抵過逐件收費。
集單（合併集運）兩步曲
1. 申報貨件
首先要喺「貨件申報管理」申報貨件時，揀選「合併集運」以及填寫貨件資料。
2. 集單
等待貨件由海外倉庫送到本地倉庫後，系統就會自動發出電郵俾您。呢個時候您需要再次登入「貨件申報管理 > 本地倉庫」進行集單，揀選取貨方式。
*先剔選要合併嘅貨件，再喺下面左邊方格揀選地區，以及付款方式
咁就完成喇！成功集單後貨件就會自動派送去您所選嘅取貨點。睇到呢度，係咪都好想講句「其實唔難」呢？
按小編以上真實例子，將美國貨件同澳洲貨件合併，即 1.6磅 + 2.4磅 = 4磅，選取 Buyandship 自提點運費只係 HK$88！如果逐件收費嘅話，就會係 1.6磅（即 2磅）+ 2.4磅（即 3磅）= 5磅，足足需要俾多 1磅運費！
除此之外，選擇合併集運嘅話仲可以自行選擇用幾多積分，靈活度就大得多啦！
平時睇咁多小編每日精選優惠推介，係咪好想即刻橫掃美英日韓澳再一次過集單取件呢？
溫馨提示
如果選擇合併嘅貨件收費不同，就不能進行合併。意指美國、英國、日本、韓國、澳洲同意大利嘅貨件唔可以同台灣或中國貨件合併。但美國集澳洲、或者日本集英國再集美國就無問題！（因為我哋美英日韓澳都係劃一收費㗎！）詳情查看運費列表