體會快樂童年!大細路網購懶人包

好多人都話而家嘅小朋友無童年,生活只係充斥住各種興趣班同補習班。嚟緊就係一年一度兒童節,喺時候俾佢哋暫時放低習作,好好玩返吓喇!趁住呢一日送返份禮物俾身邊嘅小朋友啦,每份禮物都係一個祝福,希望佢哋健康快樂地成長,同時亦係對佢哋嘅獎勵!

今次小編就幫大家搜羅多間網店,無論你位心肝椗係 2 歲定 20 歲都有嘢啱買!你無睇錯呀,邊個話成年後就唔可以收禮物先,人越大越要保持童真呀,即刻揀返份禮物同佢哋慶祝吓,再次體會童年嘅快樂啦!


0 – 3 歲

英國 My 1st Year

BB 第一次過兒童節,想送份特別啲嘅禮物俾佢?英國 My 1st Year 就幫到你喇,無論係毛公仔定係其他玩具好似木琴、積木等都可以刻/繡上小朋友嘅名,獨一無二之餘又夠哂紀念價值,而且仲有埋禮物盒包裝,用嚟送禮真係一流呀~

Thomas 電動小火車

去遊樂場最鍾意坐小火車?而家喺室內都有得玩呀~仲要係小朋友好鍾意嘅 Thomas 小火車添呀,呢款電動火車入電就玩得,由砌路軌開始就可以落手落腳自己做!適合 1 – 3 歲兒童,最高承重量為 40 磅。

Skip Hop 三合一活動桌

呢張活動桌可以由 BB 4 個月大時開始使用,一開頭俾 BB 坐係中間亦可做彈彈椅,之後到小朋友大啲就可以做玩具檯,第時喺度做功課都一樣無問題!實用性比起其他玩具高好多架~

麵包超人玩具車

麵包超人咁得意,小朋友見到一定好鍾意呀!呢架車仔適合 10 個月 – 5 歲小朋友,初時小朋友可以坐喺車上由爸爸媽媽推,之後可以當做學行車,到小朋友腳仔夠力時就可以自己坐上去用腳控制前後~屋企玩又得,帶埋落公園都得!

Tegu 磁力積木

帶住小朋友出門,唔帶埋啲玩具俾佢哋玩真係唔得架,呢款 Tegu 磁力積木體積雖然細,但係一套已經包含 8 塊積木,可以砌到好多款唔同嘢架!而且攜帶方便,帶住去邊都得!積木玩具適合 12 個月以上小朋友。

             

台灣風車寶貝

雖然呢個歲數嘅小朋友仲未學識透過講嘢去表達自己嘅想法,但其實呢段時間係佢哋視覺以及觸覺嘅重要時期!喺台灣風車寶貝網店就有一系列適合 0-3 歲小朋友嘅圖書以及玩具,無論係材質定係內容都係根據呢個年齡層嘅小朋友設計,唔洗擔心會送錯!

4 – 7 歲

Jetkids 兒童行李箱

呢個 Jetkids 兒童行李箱除咗可以放吓小朋友嘅衫衫褲褲同玩具之外,又可以當做櫈仔俾小朋友喺途中坐吓,更加可以變身床仔,俾小朋友係機上舒舒服服瞓一覺。顏色仲要咁靚,小朋友見到一定好開心呀!

Kinetic Sand 動力沙

唔洗去沙灘都可以堆城堡喇!Kinetic Sand 動力沙可以俾小朋友發揮佢哋嘅創意同想像力,仲可以訓練埋手部肌肉,啲沙亦唔會好似泥膠咁因為暴露於空氣而變硬,將佢哋回復原狀再整過又得。動力沙以天然沙製成,無毒無害,玩得安心又放心,而且容易清理,款式仲夠哂多添!

Lego 模型

Lego 真係老少咸宜嘅玩具嚟架,官方顯示由一歲半開始就可以揀到合適嘅 Lego!當然配件會根據對象年齡而調較部件大小,以防小朋友將佢哋吞落肚嘛~Lego 可以俾小朋友發揮佢哋嘅創意,砌出無限嘅可能,唔係淨係得一式一樣嘅玩法,小朋友興趣都大啲啦!玩嘅時候大人記得要喺隔離陪住,確保安全。

各款 STEM 玩具

STEM 係由 Science、Technology、Engineering、Maths 四個字組成,呢類別玩具有助小朋友從玩樂中學習相關知識,對於培養邏輯思維、空間想像以及創造力都非常有幫助!STEM 玩具而家係美國已經非常流行,好多都有一定挑戰性,俾小朋友吸收書本以外嘅科學知識。

Disney 精品

呢個年紀嘅小朋友唔多唔少都會迷上 Disney 童話故事嘅主角,送返份 Disney 禮物俾佢哋實無錯呀!特別係女仔都好想成為公主,送條公主裙俾佢真係會開心到想日日著住返學添呀~

Toy Story 玩具收納箱

想小朋友有手尾,玩完玩具會自己執返好,咁首先梗係要有個靚靚收納箱啦!呢款 Toy Story 收納箱用嚟放玩具就啱哂,唔用時仲可以摺起,絕對慳位!

8 – 13 歲

Lego 模型

小朋友去到呢個年紀當然可以挑戰難度高啲嘅 Lego 啦,Creator 就係唔錯選擇,Lego 零件較細小,可以強化小朋友手部嘅靈活程度。女仔亦可以揀 Friends 系列,齊齊發揮創意!

K’NEX 模型

除咗 Lego 之外,K’NEX 模型同樣好受歡迎架!佢比起 Lego 更需要小朋友動腦筋去思考,對佢哋腦部發展絕對有幫助!Thrill Rides 更加可以將成個遊樂場砌返出嚟,家長們又可以同小朋友一齊完成,增加親子互動嘅時間!K’NEX 模型適合 7 歲以上小朋友。

Pokemon 精品

唔少小朋友都夢想成為精靈訓練員,相信佢哋心目中一定有一隻最想擁有嘅小精靈,喺佢哋成功用精靈球收服到之前,不過就喺日本 Pokemon Center 揀返隻公仔俾佢哋先啦!

Cath Kidston 精品

少女們都較為喜歡花俏啲嘅產品,英國 Cath Kidston 絕對啱佢哋心意!由袋款、服裝、日常用品等都應有盡有,仲有同 Disney 聯乘系列,一定滿足到佢哋嘅少女心。

14 – 18 歲

地獄 Puzzle

呢個年紀嘅小朋友梗係要玩啲進階版嘅玩具先得啦,地獄 Puzzle 就可以訓練到佢哋嘅耐性,最緊要係要佢哋學識堅持到最後!砌完 2000 塊嘅成功感,相信佢哋一定會好難忘呀!

Marks and Spencer 服裝

小朋友踏入青春期,開始在意自己嘅儀容,對比起玩具,相信佢哋更想收到一套靚衫做禮物。英國 Marks and Spencer 嘅品質夠哂保證,而且款式夠多,想要青春嘅又有,想要成熟少少嘅都一樣有!

Football-Max 波衫

男孩子去到呢個歲數都總會有幾個特別鍾意嘅球星,無論係鍾意英超定西甲定係 J-League 都好,喺日本 Football-Max 都可以搵到佢哋嘅周邊,用嚟送俾男孩子們就啱哂啦!

Zalando Kids

英國 Zalando 有齊哂休閒服裝品牌以及各大運動品牌,無論係想買衫褲俾小朋友又好,買對靚波鞋俾佢都好,一樣可以喺 Zalando 搵得到!有唔少款式仲係品牌同 Zalando 合作推出嘅系列,香港真係買唔到架!

Tillys

美國 Tillys 嘅服裝款式絕對符合青少年嘅要求,夠哂青春活潑,趁住有減價時入手真係非常抵買!啱哂追求新鮮感,想成日轉新款嘅年輕人!記得係要用 PAYPAL Check Out。

19 歲以上

自訂個人化 PS4 手制

對於呢個年紀嘅朋友仔,相信 PS4 真係佢哋最愛嘅「玩具」,想玩得再開心啲的話,一於訂返個專屬手制啦!粒制以及機身顏色都可以自定,而且比起原廠仲更加好用,玩都玩得順手啲呀~

各款 Board Games

一大班朋友聚會,又或者係一班新認識嘅人想快啲打破隔閡的話,Board Game 真係最好用嘅法寶!雖然好似好小朋友玩意,但其實就算只係最普通嘅大富翁都可以玩得盡興,今個兒童節一於約埋班朋友玩吓 Board Game 見吓面傾吓計,唔好再對住部電話傾喇~

模型 Figure

同樣地,砌模型亦唔係小朋友嘅專利,大朋友都可以儲 Figure 砌吓高達嘅,呢間網店就有多款動漫模型出售,即刻上去日本樂天睇吓有冇邊款啱啦~

日本小家電、電子用品

對於好多成年人嚟講,各種最新嘅小家電或者數碼用品就係佢哋玩具,每次去日本都要入去家電舖走一轉睇吓有咩啱買。其實網購都一樣可以買到最新最潮嘅電器用品,揀玩具前記得要留意返電壓啱唔啱香港使用呀!

誠品網絡書店

喺要求小朋友努力讀書嘅同時,大人們又有冇增值自己呢?唔係淨係小朋友先要透過書本吸收知識架,成年人都一樣要活到老學到老,正如 Steve Jobs 所講,我哋要 「Stay Hungry, Stay Foolish」,保持住小朋友般嘅求知心態先可以有進步,亦可以做個好榜樣俾小朋友呀!