作為一個稱職嘅女朋友，情人節又點可以唔識做呢？雖然話男仔最想收到嘅禮物都離唔開遊戲機、電子產品等，但我哋介紹得嘅又點會咁行，小編們嚴選咗幾十份氹男朋友開心嘅禮物，話埋您知邊度抵買，總有一款啱佢心水！
成日都 Kate Spade，其實佢哋旗下都有條男士副線 Jack Spade！主打當然係公事包、袋類同銀包啦，斯文得來一啲都唔老土，適合各位型男！各位絲打一於買完包包，再買返個銀包或手袋俾男朋友獎勵下佢啦。
講到日本職人手造眼鏡品牌，最老字號同最大名氣莫過於泰八郎謹製，主要原因係同 NUMBER (N)INE 聯乘過同木村戴過。泰八郎唔單止拋光手工好，加上獨特質感、特製嘅鍋釘同英文字樣令成個鏡框賦予咗獨特嘅性格。
男士西裝正係 Brooks Brothers 拿手項目，佢哋出品嘅恤衫同西裝極具斯文英倫味道，亦令男士們盡顯紳士風彩！香港買太貴？成 8xx 一件恤衫？網購就可以係香港價嘅一半喇！即刻幫男朋友個衣櫃添置下啲新恤衫啦。
喺情人節呢個重大節日當然唔係送普通 M&M’s 咁簡單啦。美國嘅 M&M’s 提供客製化服務，可以俾你設計專屬嘅 M&M’s！除咗可以揀顏色之外，仲可以揀想要嘅圖案、字體、相片，包裝上亦有多款選擇，豐儉由人。
英國 Paul Smith 官網做緊指定產品低至半價，送俾男朋友就一於買銀包、袖口鈕、領呔啦，一律低至幾十英磅就有交易。小編提晒你哋㗎喇，唔好到嗰日仲係兩手 fing fing 啊。
近呢兩三年男士興起油頭文化，除咗可以去 Barber Shop 剪返個油頭，當然唔少得可以買返啲 Pomade 自己 Set 下個頭啦～其實網購 Pomade 一啲都唔貴，唔少著名品牌「豬仔」（REUZEL）同「骷髏頭」（SUAVECITO）都係十幾蚊美金就有交易，平過喺香港美髮店多多聲。
睇到「百靈牌」就一定會諗起「刮鬍刀」，呢個經典德國牌子，最近推出男款石英錶，增添男士生活品味。設計極簡約、實用同美感，透過純粹表現同高機能嘅簡約設計！38 mm，皮革帶帶扣，防水50米，絕對係非常抵買！
► DJI 航拍機
玩開航拍嘅朋友都聽過 DJI 呢個品牌，憑住佢創新能力同品質一直都佔領航拍界地位，喺市場佔有率仲佔 7成咁多添。最平嘅入門級 Tello 只係 $779 就可以入手，重量只有大約 80g，續航力為 13 分鐘，飛行距離為 100 米，用家只需要用智能手機連接 Wi-Fi 就可以操控佢，一於買返部俾男朋友，等佢可以幫您拍片影靚相！
► Lego 模型
仲諗緊送咩情人節禮物俾男朋友？不如考慮吓送 Lego 模型啦～其實佢哋都想收到自己鍾意嘅玩具作為禮物，而 Lego 設計出哂名夠精緻，又有咁多款式總有一款啱佢嘅！唔好以為 Lego 呢啲只係小朋友玩意呀，其實都一樣可以好複雜好講究架～送咗俾佢之後又可以一齊玩，消磨成個下晝都冇問題！
► Zozotown
真係唔知送咩好嘅，揀返套衫都一樣 OK！唔少男仔都鍾意著日牌，始終設計以及剪裁都比較適合亞洲人身形嘛～想買日牌當然係上 Zozotown 啦，覺得無從入手的話小編推介可以睇睇 BEAUTY & YOUTH、JOURNAL STANDARD 以及 BEAMS 呢三個品牌，好多日本人都鍾意買呢幾個 brand 架～
雖然話旺角有唔少高仿波衫，而且仲仿真度極高，但買波衫始終都係買正版好啲，著上身都無咁心虛。日本 adidas 官網就出售各國球衣，保證件件正版，唔怕俾人呃，買得安心又放心，咁就唔怕送件假野俾男朋友啦！
► BOSE 耳機
相信大家對 Bose 嘅認識，除咗係靚聲、多款，而且仲係價錢合理。其實網購更比專門店買隨時平一半，官網全網做緊低至 50％ off，其中耳機 SoundSport In-Ear 更係由 US$99.95 減至 US$49.95（約 $389），連運費先 4百幾，絕對抵玩！如果男朋友咁啱想換個新耳機就啱晒喇。
男朋友鍾意睇波，仲鍾意日本國家足球隊？咁一於就上 JFA Store 揀返份禮物送俾佢啦，除咗有波衫、鎖匙扣、T-shirt 等紀念品之外，佢哋早前仲同 Porter 推出聯乘商品，絕對啱哂鍾意 JFA 嘅佢啦～
嚟緊準備同另一半去外國旅行？咁不如就上 Moosejaw 買定啲 Outdoor 品牌嘅服飾俾佢啦，夠哂實用又襟著，佢實讚你貼心呀～而家仲做緊減價貨品額外九折優惠添架，買多件俾自己著情侶裝又得，得咗！
想男朋友同你周圍去影相？咁你都要識做先得架嘛，送返個 Incase 相機袋俾佢，好睇又夠保護性，帶齊裝備出發影相！又或者另一半返工成日都要帶住電腦周圍走嘅，揀個靚啲嘅公事包或者 Backpack 俾佢都一樣 OK！
想包辦哂男朋友全身嘅服飾？咁 J.Crew Factory 就啱哂啦，佢哋走 Smart Causal 路線，啲款式返工又得去街都得，仲夠哂抵買，揀多幾件俾佢都無問題呀～
護膚其實唔係女仔專利嘅，男士們都一樣要做好清潔部分，行出街都醒目過人啦～唔想再見到男朋友面上粗大嘅毛孔、黑頭？又或者想買剃鬍用品俾佢的話，喺 Mankind 就可以一次過搞掂哂，多個男士護膚品牌集於一身，唔洗再左搵右搵啦～