十萬份氹女朋友開心的禮物

唔想投稿去「十萬個激嬲女朋友的理由」?雖然話只要有心,日日都係情人節,但如果唔做返兩手準備,隨時可能會激嬲另一半!各位巴打,放心,we know that feel!今年小編們就為大家預備咗呢篇 #十萬份氹女朋友開心的禮物,er…係寫唔到十萬份咁多,不過都嚴選咗幾十份特別嘅禮物,睇完就自己執生喇!

絲打們,遲下我哋會出埋 #十萬份氹男朋友開心的禮物,唔駛怕男朋友詐型!


日本 Disney 推出情人節系列商品

今次系列有 Mickey & Minnie、Winnie The Pooh & 朱仔以及 Chip & Dale 做主角,商品包括毛公仔、杯、碗,仲有情人節必備嘅朱古力!有情人嘅即刻上去揀返份禮物,冇情人嘅都一樣可以上去睇睇,買嚟儲都一樣得啫!

日本 LINE 熊大 USB 加濕器

係熊大啊!唔少女士都鍾意熊大,有熊大大頭嘅造型,絕對係放喺公司枱頭嘅可愛之選!用法非常簡單,只要將熊大插喺已注水嘅杯或樽內,開機就可以自動放濕,使用 USB 供電,無須擔心電壓問題,保濕就靠晒佢喇!

英國護膚品牌 Neal’s Yard Remedies

英國護膚品牌 Neal’s Yard Remedies 成立已經有 30 幾年,產品成份天然有機,絕對可以放心使用!不過喺香港都賣得唔平,想用都係上返英國官網買啦,計返等於香港定價嘅一半呀!

Pandora Charms

相信每位女士都想擁有一條 Pandora,男士們宜家去英國官網一次過買手鏈同 Charms 就最抵喇,計返至少係香港專門店價嘅七折,每粒 Charms 平至 £5 就有粒,買嚟送俾女朋友就最得體啦!

自訂 M&M’s 朱古力

喺情人節呢個重大節日當然唔係送普通 M&M’s 咁簡單啦。美國嘅 M&M’s 提供客製化服務,可以俾你設計專屬嘅 M&M’s!除咗可以揀顏色之外,仲可以揀想要嘅圖案、字體、相片,包裝上亦有多款選擇,豐儉由人。

英國 Paul Smith 產品

英國 Paul Smith 官網做緊指定產品低至半價,送俾女朋友就梗係揀手袋、絲巾、銀包、Card Holder 啦,一律低至幾十英磅就有交易。小編提晒你哋㗎喇,唔好到嗰日仲係兩手 fing fing 啊。

日本 ASTRONOMY 星空朱古力

以各個行星作為設計藍本,每一粒都靚到唔捨得食,送俾另一半又可以影相擺上 IG 呃 Like,真係一流呀~順便提一提各位男士,呢個日本網店 Plaza 其實仲有好多彩妝產品以及精品出售,買完盒朱古力記得揀埋其他禮物再 Check Out 喇!

美國 ELEVTD 名牌手袋

美國 ELEVTD 呢間網店可能大家都唔係太熟悉,其實佢係 Shoes.com 旗下嘅公司,定位上就同 Shoes.com 有好大分別喇,主要出售中高檔次品牌,好似 Coach、Alexander Wang、Jimmy Choo、Canada Goose 等等,而且周不時做特價,上去望下買咩名牌手袋俾女朋友都好。

英國大型包包 Online Store:My Bag

貴為英國最大 Online Store 集團之一嘅 The Hut Group,佢旗下嘅副線 My Bag 網店亦非常出名!出售嘅產品包括男女裝手袋、手錶、太陽眼鏡、帽等飾品,絕對係網購「包包」嘅集中營。牌子當然唔少得備受女士們追捧嘅 Furla、Michael Kors、Ted Baker、Moschino 等人氣名牌啦,轉季點可以唔買返個包包氹下另一半開心呢?

Hello Kitty 姿勢坐墊

除咗得意之外,仲可以提供腰部支撐,腰背疼痛緩解,並糾正脊柱姿勢,就算平時女朋友要陪男朋友睇波,睇通宵都唔怕坐到腰痛呀!

漆黑中嘅螢火蟲 – 3D 牆燈

呢款 3D 牆燈,一直都詢問度極高。男朋友送俾女朋友時仲可以配多句經典對白:你以為你痴喺牆上就搵你唔到咩?無用呀!好似你啲咁特別嘅牆燈,無論係咩地方,都好似漆黑中嘅螢火蟲一樣,咁鮮明,咁出眾!

Mountain Rose Herbs 有機認證產品

獲得美國 USDA 有機認證,呢個來自美國嘅 Mountain Rose Herbs 絕對可以令您用平價價錢享受奢華嘅享受。主要產品包括香薰精油、沐浴產品、按摩精油、保養產品同驅蟲產品等等,產品非常廣泛,佢哋仲有出售有機茶葉,貼心小包裝令你可以買多幾款!啱晒唔知女朋友鍾意邊款嘅您呀!

Jo Malone 香薰蠟燭

嘩!機會黎喇!人氣品牌英國 Jo Malone 嘅香氛產品一向都打動唔少女士芳心,佢嘅香薰蠟燭有種魔力,可以舒緩你嘅身心,加上充滿英式 Style,一直都勁多人 Like!雖然香港專門店都有得買,但喺 Selfridges 買就抵好多喇,計返條數等於六五折!送俾女朋友實無錯!

不過留意返:香水係唔可以轉運返黎香港架!不過香氛蠟燭、Bath Oil 同 Lotion 就可以!

美妝護膚用品 Feel Unique

絕大部份女士們都鍾意買美妝護膚相關產品,如果睇到呢度呢度您都無頭緒,咁就一定要入英國網店 Feel Unique 望望喇!呢個係一個英國本土護膚彩妝品牌,而且仲有香薰同 SPA 產品出售,仲可以買到唔少保健品同純天然嘅有機食品,真係一個非常方便嘅美妝 online store 呀!唔少品牌仲做緊優惠 offer 添,是但揀幾樣都實啱女朋友。

日本 Sanrio X Godiva

今年日本 Sanrio 繼續有同 Godiva 推出情人節特別版套裝,繼續都係有 Hello Kitty 以及 Melody 兩款~腳上仲繡咗 Godiva 2019 嘅字樣,絕對有收藏價值。買大版放喺屋企又得,買細版吊係袋做裝飾亦得,得咗~每款套裝均包含 5 粒 Godiva 朱古力,包保另一半收到時甜到入心呀!

Origins 護膚品

Origins 嘅產品取材自植物、土壤以及海洋嘅優質成分,天然得嚟功效亦顯著,女朋友收到一定讚你識揀!香港專門店價錢較貴,想買得精明啲當然係上返美國官網選購啦~唔知點買好的話仲可以揀禮盒裝,一 Set 過就唔洗煩啦!

Michael Kors

有時送禮都好講求實用性,每日帶住揹住咁就時時刻刻都諗起送禮嗰位,夠哂 Sweet 啦~Michael Kors 美國官網就做緊三折優惠,對比起香港專門店價錢真係抵買好多架,價錢平咗 Budget 自然鬆動咗,買完個手袋再揀多個銀包仔都仲得!

Dogeared 飾品

如果係考慮緊送啲小飾物俾另一半的話可以睇睇美國嘅 Dogeared,佢哋提供客製化服務,揀張合適嘅心意卡,再打上你想同另一半講嘅情深說話,最後揀一條最襯佢嘅頸鏈就 OK 喇~款式夠哂多,總有一款啱佢心水!

英國 House of Fraser

雖然身為男朋友嘅永遠都唔明點解女朋友要買咁多支唇膏,咪又係紅色有咩分別呀?不過講到送禮,唇膏真係一個唔錯嘅選擇,只要細心少少留意一下女朋友平時用開嘅色 Tone,再揀一支類似嘅就包冇錯!英國百貨網店 House of Fraser 就有各款化妝品做緊優惠,品牌包括 YSL、Givenchy、Giorgio Armani 等等,一見到都已經心心眼啦,今次仲唔錫哂你?

美國 elizabethW 香薰品牌

鐘意購買香薰嘅朋友,應該都聽過 elizabethW 呢個品牌。來自於三藩市,品牌以純淨、質樸、優雅為設計理念,推出不少香味獨特嘅香薰,令您嘅生活質感加分!如果想揀樣野送俾女朋友,又唔知佢鍾意咩味道嘅香薰,不妨可以睇下 Sleep Mask 同 Eye Pillow,以巧手縫製嘅真絲製造,質感舒服,女朋友實鍾意。

不過留意返:香水係唔可以轉運返黎香港架!不過香氛蠟燭、Bath Oil 同 Lotion 就可以!

櫻花粉紅色 G-Shock

絕對係潮人情侶錶首選!唔少男士都鍾意戴 G-Shock,今次仲出埋櫻花粉紅色,一於即刻買隻俾女朋友,實行迫佢同你一齊戴情侶錶。而且今次夢幻配色錶面仲配埋玫瑰金,相信女士們都應該無法抗拒。

上 Gilt 平買包包

都係未諗到送咩的話,送個包包就最實際啦~美國 Gilt 經常都有名牌包包優惠,Longchamp、Furla、Rebecca Minkoff 等等都可以喺呢度搵到,慳返幾百蚊買多嘢樣仲好啦~

Ralph Lauren 情侶裝

唔少女仔都想同男朋友著情侶裝,就好似宣示主權一樣話俾人知佢係屬於我嘅!如果男朋友主動話要著情侶裝的話,相信佢哋會更加開心!一於就上 Ralph Lauren 買返幾件靚衫一齊著,而家減價貨品仲有額外六折添呀!

日本 Thanko 洗碗神器

女朋友喺情人節為你下廚煮心形牛扒,男士們都要識 do 幫手洗碗啊!呢個由日本公司 Thanko 推出嘅洗碗神器,就啱晒啲少洗碗嘅男士,只要將食器固定好,㩒個掣就自動洗碗碟,單手都可以操作,連筷子同叉都可以洗,非常神奇。

由於日本電壓為 100V,同香港唔同,所以需要自行另購變壓器。