即將踏入新一年，當然唔少得買福袋呢個指定動作啦！唔駛飛去日本同人迫，喺屋企上網一樣買到！唔少日本知名品牌都有推出福袋，平均幾千円就有五、六件 items，不論服飾、家品、玩具等等都有，宜家預訂就過年時有新衫新鞋著喇。即刻睇睇小編為你哋準備嘅 2019 日本福袋特輯！提提大家，福袋內容一般都係隨機發放，圖片款式只供參考！
有多個日牌你都好鍾意，想一次過買哂咁多個福袋？咁就要上 Magaseek 睇睇喇，佢哋有多款福袋可供預訂，包括 Nano Universe、Afternoon Tea Living、Snidel 等等，無論男裝女裝童裝都一樣有，想買福袋嘅朋友仔記得 Mark 實喇！
日本 Babydoll 呢個童裝品牌平時已經係好多家長嘅心水品牌，佢哋推出嘅福袋又點可以錯過呢～￥5,400（約 HK$371）嘅福袋入面有價值 ￥14,500（約 HK$997）嘅貨品，包括一件外套、兩件上衣、兩條褲/裙以及環保袋一個！就算唔計個環保袋入面都有五個 items，每件平均都只係 ￥1,080（約 HK$74）！
去過原宿嘅你地基本上係必入店舖，連各大國際品牌都經常會同佢地 Crossover 嘅 Atmos Tokyo，旗下副線 Atmos Pink 推出 2019 Happy Bag，仲一共推出三個價位，分包係 5千円、1萬円、1萬5千円。以 5千円福袋為例，內裡產品總值已經超過 1萬5千円，產品都有成 5件咁多！
Disney 都出福袋！呢款只係 3千円，即大約二百蚊左右，就已經有一隻公仔、一個 tote bag、一隻水杯以及一堆隨機小物，產品總值接近成一萬円！
喺日本樂天同樣可以搵到唔同日牌推出嘅福袋，無論係女裝、男裝甚至童裝都有！Dazzlin、earth music & ecology、JANSPORT 等都有！買哂俾一家大細都冇問題啦～
呢個女裝日牌平時都已經夠哂抵，福袋當然更平啦！今年推出兩款福袋，包括 ¥5,400（約 HK$373）七件產品以及 ¥12,960（約 HK$895）十一件產品兩款，而網站上亦有稍稍透露到福袋入面嘅服裝款式，咁就唔怕會買中伏袋啦～
唔係淨係服裝先有福袋架，家品雜貨都一樣有呀～唔少人去日本旅行都好鍾意行嘅 Afternoon Tea LIVING 今年亦有推出福袋，鍾意買呢類家居小品嘅朋友仔千祈唔好錯過喇～
今年 F.O. Kids 都一樣有推出福袋，¥7,560（約 HK$524）內含 5 樣商品！平時買條褲仔都要 ¥2,000 以上，今次福袋絕對抵呀！
呢個 Hello Kitty 2019 Kids 豪華福袋真係超豪華，而且仲包羅萬有，5,400 円就已經有 8樣 items，有背囊、外套、上衣、長褲、襪子等，有不同尺碼適合 80－130cm 高嘅小朋友！買個俾囡囡做 2019 新一年禮物就開心啦。
Belle Maison 出嘅 Disney 產品有幾靚相信大家都知，而家佢哋仲推出咗福袋！福袋入面共有 5 樣產品，價值係 ￥12,000，而福袋售價就只係 ¥5,400（約 HK$374），即係仲平過半價呀！
男士們想買福袋的話可以考慮吓 nano･universe，佢哋嘅福袋每年都喺銷量榜佔一席位，質素同抵買程度都有保證！¥15,000（約 HK$1036）就可以買到四樣產品，包括兩件外套以及兩件上衣，絕對唔係求其俾條皮帶就當一件架！即買！