完成晒網購同申報貨件嘅兩步，其實緊接住仲有兩個步驟都同樣重要，就係集單同取件喇！我哋現時提供超過 160 個取件點俾你選擇，包括 Buyandship 自提點、eLink 自提點、Alfred 智能櫃、順豐站等，遍佈全港九新界多個地區，唔駛日曬雨淋排街站取件！不過我哋亦有幾個重要事項要提提大家，等你可以更快一步順利取件！
1. 自動轉運 vs 合併集運
由於預期大量貨件將會淹沒我哋嘅倉庫（甚至可能包括小編張檯都要用嚟擺貨），所以我哋處理合併集運單嘅所需時間都會比平時稍為延長，敬請各位多多包涵～所以如果你急住想盡快取件，我哋強烈建議你選用自動轉運喇！而且選用自動轉運仲有機會贏走最新款智能手機𠻹，詳情請留意我哋即將公佈嘅抽獎活動喇。2. 取件地點的選擇
如果你嘅貨件係打算用嚟送俾人做聖誕禮物，小編誠意推薦你選用 Buyandship 或 eLink 自提點取貨，咁樣會比選用其他取件方式更快拎到貨㗎。3. 智能櫃及其他自取點有尺寸限制
由於 Alfred 智能櫃、順豐站等都有不同嘅尺寸限制，如果你購買嘅係較為大型嘅產品例如 Dyson 吸塵機，選用 Buyandship 或 eLink 自提點就最穩陣！無限制之餘又較其他取貨點快𠻹。睇睇各取貨點嘅詳細地址同開放時間啦：http://bit.ly/1GH0BIy提提你：通常係辦公時間之內，我哋會盡力喺5－10分鐘之內解答你嘅問題，不過由於 Thanksgiving / Black Friday / Cyber Monday 期間會比平時更多查詢，所以有機會需要1小時先可以有同事幫到大家（非辦公時間可能要更長時間），希望各位客官高抬貴手，耐心等候。