喺 Thanksgiving、Black Friday 同 Cyber Monday 期間，網購絕對係分秒必爭！預先喺各個購物網站填寫好我哋嘅倉庫地址，checkout 時就可以更快人一步啦～除此之外，其實網購完申報貨件都係重要一步，絕對會影響你嘅貨件到港日期～你知啦，網購完梗係想快啲收到戰利品㗎嘛，所以今次小編就準備咗呢以下幾個注意事項，熟讀就包唔會出錯！
登入取得各個海外倉庫地址：http://bit.ly/1JAIUwe1. 填地址格式問題
如果喺網購時填地址出現 error 訊息或付款後出現 cut 單情況，地址一欄可嘗試以另一格式喺 Address Line 1 輸入 595, North Columbia Boulevard，咁就有機會成功買到。而如果無法喺姓名或地址都填上 BS 會員編號，咁就要記得喺姓名或地址 Address Line 2 嘅其中一處填寫啊（但記得記得記得一定要喺其中一處填寫啊，如果唔係就會影響入庫架喇！）。2. 付款方式及 Billing Address 問題
網購梗係要準備信用卡啦，唔少網店只接受 Paypal 作為付款方式，所以申請定就有兩手準備喇！而使用倉庫地址為 Billing Address 時，姓名請使用真名（不含BS為首嘅用戶名稱）；當使用倉庫地址為 Billing Address 而付款失敗時，可以試試使用你本身真正地址。3. 申報問題
由於預計 Black Friday 貨量會以幾何級數倍增，所以有機會係收件當天無辦法全部處理曬，要第二日先可以安排入庫。同埋，如果貨件無係到達倉庫前申報，倉庫同事都有機會唔處理住，唔會即刻發出未申報貨件通知俾你，而係會等多幾日先拎番出黎重新處理。因為我地會優先處理準時申報嘅貨件。所以大家記得一收到 tracking number 好即刻申報啦！係 Black Friday 高峰期期間，預期出庫同埋空運時間都會無可避免咁受到影響，一般而言貨件入庫後需要 1－3 個工作天先出庫。另外，由於喺呢段時間期間嘅貨運量大增，如果遇上航班延誤或等候機位既情況之下，貨件有機會需要額外 2－4 日先可以到達香港倉庫。
4. 貨件尺寸限制
喺呢段購物旺季期間，記得唔可以轉運長／闊／高任何一邊超過 160cm 嘅美國貨件啊，否則貨件會運唔到返嚟㗎。提提你：通常係辦公時間之內，我哋會盡力喺 5－10 分鐘之內解答你嘅問題，不過由於 Thanksgiving / Black Friday / Cyber Monday 期間會比平時更多查詢，所以有機會需要1小時先可以有同事幫到大家（非辦公時間可能要更長時間），希望各位客官高抬貴手，耐心等候。