美英日 Thanksgiving / Black Friday 家居生活網店推介

全球市民萬眾期待嘅 Thanksgiving、Black Friday 以及 Cyber Monday 即將殺到!唔好以為淨係可以買衫褲鞋襪,其實家品一樣都有平!宜家入貨,新一年就可以幫屋企換換新氣色喇~想知邊度買最抵?即睇推介!


Threadless

一向玩味十足嘅 Threadless 床具用品,有床單、枕頭、被袋等,如果無乜頭緒買咩聖誕禮物,呢個都係唔錯嘅選擇,真係又 sweet 又型又窩心。之前曾經做過最抵價係低至六折啊!

SafeRest

美國製造嘅 SafeRest 高級防過敏防水保護床墊保護套同枕頭保護套,唔單止可以防蟎防水防菌抗敏,係美國暢銷既產品,Amazon 只售 US$19.95 – US$49.95(HK$160 – HK$400),視乎尺寸。防過敏棉質毛圈面舒適柔軟,採用盧納氣流技術可以讓空氣通過床墊套流通,經美國實驗測試100%防水同防塵蟎,非常適合哮喘、濕疹同過敏症患者。

Sealy

美國著名醫學院研究報告指出,Sealy Memory Foam 枕頭能夠有效地減低頸部同肩部嘅疼痛,Sealy Memory Foam 可以隨睡眠姿勢改變形狀,貼合頭頸位置,給予最佳嘅承托,非常舒適,仲有助紓緩因關節炎添!亦可以改善壓力或受傷而引起嘅頸痛,改善睡眠質素。香港賣緊 HK$1,xxx;美國 Amazon 賣緊 US$29.99(約 HK$233)。

Cath Kidston

唔少女士都聽過呢個英倫時尚生活品牌 Cath Kidston,最多人識嘅當然係花花系列,將傳統英式古典風格賦予嶄新嘅靈魂,睇到都心心眼呀!官網出售唔少產品,包括化妝袋、銀包等 Accessories 等,連衣物家品都有,實在有太多產品喇,低至幾蚊英磅就有交易喇!

Anthropologie

充滿復古同文青氣息嘅 Anthropologie,深受美國文青 Style 少女愛戴。除咗時裝服飾、仲有家品擺設出售,鐘意異國風情嘅朋友真係唔可以錯過喇!

Hollar

美國 Hollar USD$1 商店,可以同媽媽網購掃平貨!日本有 100 Yen 店,估唔到美國都有 USD$1 商店,啱晒各位消費精明眼!Hollar 出售超多寶物,不論零食、玩具、手機周邊、家品、廚具等都有,全部都係 USD$1 起出售,肯花啲時間睇下,一定尋到寶物!

Disney Store

鍾意米奇嘅朋友仔一定要睇睇 Disney 新推出嘅家品系列,因為真係好多款都好靚啊~今次系列連 cheeseboard、鹽樽、胡椒樽都有啊,真係買到成屋都係 Disney 都冇問題啦~

John Lewis

有英國皇室認證,真係網購買嘢都特別安心。John Lewis 係一間英國高級百貨公司,現時喺英國同歐洲等地都有超過 40 間門市,仲得到英國女皇 Elizabeth 二世皇家認證,更係英國皇室嘅雜貨用品提供商,簡直係皇室優雅生活嘅象徵。網店除咗家品雜貨出售,仲有唔少服飾、電器等等,部份產品仲時不時會做優惠。喺英國網購電器就最啱喇,因為電壓啱,而且都係使用三腳插。

Bath & Body Works

唔單止衫要換季,就連香薰蠟燭都一樣可以轉下「口味」架~Bath & Body Works 就推出一系列秋冬限定嘅香薰蠟燭,仲有 Body Wash、Shower Gel、Body Lotion、Body Cream 等等一律低至 US$5.95!大熱款式香薰蠟燭喺上年 Black Friday 做過買三送二優惠,減價後平香港專門店一半以上。