美英日 Amazon Prime Day 優惠特集

美英日 Amazon Prime Day 2018!以下係最強 Prime Day 折扣特集,最好就預先申請定 Prime Account,咁就可以開始網購喇!(有 30 日免費試用)

免費註冊為 Prime 會員教學


HK$1020 買兩個 Samsonite 行李箱!

就快又到暑假,準備同小朋友一齊出外旅遊的話,冇個靚嘅行李箱又點得呀?Samsonite 出名好拉又耐用,襯住 Prime Day 喺 Amazon 買仲平過香港多多聲添!好似呢款 Amazon 限定嘅 20″ & 28″ 套裝有做優惠,兩個 Gip 加埋只係 US$129.99,即係約 HK$1020 就買到兩個!呢個價錢喺香港買一個都唔得啦!

Fisher-Price 嬰兒用品低至 7折

照顧一個小朋友真係唔容易,淨係用品都有分好多唔同類型,樣樣都係錢當然要買得夠平啦!美國 Amazon Prime Day 就有 Fisher-Price 嬰兒用品低至 7折優惠,搖椅、餐椅、安撫玩具等等都有!

             

Fitbit Alta HR 七百蚊有隻!

呢隻 Fitbit Alta HR 無論外觀同功能都滿分。作為 Fitbit 嘅升級款,裝置沿用咗手環主體加上下兩段可拆式腕帶嘅設計。重量非常輕,只有 29g。比起之前產品最大嘅改進,係新增咗全天候工作嘅 PurePulse 心率監測器,步數、卡路里燃燒量、距離、活動時長都可以準確記錄!而新增設嘅「睡眠階段」(Sleep Stages),可以清楚列出輕度、REM、深度睡眠嘅不同時長以及醒來次數,可以令您更加了解自己嘅睡眠質素。香港行貨賣緊 HK$1,300;但美國 Amazon 折實後只係 US$89.95,即大約 HK$701!慳咗幾多您哋自己計啦。

             

Dyson V8 Absolute 翻身機-特價優惠

曾經推介過翻身機都要 US$399.99 入手,今次優惠只係 US$364.99 就買到喇!即係大約 HK$2,840,唔介紹咁多喇,因為優惠即將完結。一直都想買嘅朋友不妨最後衝刺!

             

ASUS Chromebook 減至 US$119 起

係 HK$928,抵過買部 Tablet。配備 11.6 寸 HD 螢幕,2GB Ram,16GB eMMC,螢幕更可以 180 度調較,用嚟睇片一流!

Greenies 潔齒骨低至半價

Prime Day 咁抵,點可以唔幫主子入埋貨先得架!Greenies 潔齒骨都同樣有優惠,仲要低至半價添呀!比起香港零售有更多選擇,無論係想大手入貨又得,想買少少哋俾主子試吓先都得!平時買一包 18oz 嘅 Teenie 潔齒骨已經要 HK$160 左右,而家喺 Amazon 買 36oz 先 US$22.79(約 HK$179),抵呀!

Summer Infant 3D Lite BB 車 HK$421 起

買 BB 車梗係要買部穩陣架啦!始終係俾個心肝寶貝坐,真係唔可以求其買。呢部由美國推出嘅 Summer Infant 3D Lite BB 車,配備 5 點式安全帶,比起一般 3 點式安全帶,BB 可以坐得更安全穩固,避震功能亦更好,爸媽們就推得放心又安心,唔怕 BB 拋來拋去唔舒服。講到明叫 Lite,車架採用鋁合金製造,輕巧又方便,亦易於折疊方便攜帶。而且 Amazon Prime Deal,由 US$99.99 減至 US$62.67,仲有額外 15% off,最終折實 US$54,即大約 HK$421 起。

GoPro Hero4 Session 八百蚊入手!

香港水貨最平都賣緊千 2,鍾意玩水嘅朋友真係要入返粒。有效像素為 800 萬,相片解像度可達 3264 x 2448,重量只有 74g,夠晒「的骰」。

             

Columbia 低至半價

防風防雨嘅風褸真係四季都啱用,擺定件喺袋度已備不時之需!而家 Prime Day 有 Columbia 低至半價優惠,男裝外套低至 US$34.99(約 HK$275),女裝外套低至 US$27.99(約 HK$220)就買到件!

             

Levi’s 7折優惠

長青牛仔品牌 Levi’s 咁都一樣有得折,各款牛仔褲、T-shirt、恤衫、配件等等都有 7 折優惠!Logo Tee 都只係 US$15.99(約 HK$125),門市點搵到呢啲價錢呢~

Philips 電動牙刷快閃特價

終於到英國 Prime Day 喇!識買一定買電動牙刷,各款型號嘅 Philips 牙刷做緊 LIGHTNING DEAL 怏閃特價,優惠係低至三折咁多!例如型號 5100,由 £279.99 減至 £89.99,即係 68% off!優惠隨時完結,睇啱就出手啦!記住,優惠只有 36 小時!

Nescafe 咖啡機低至 29 折!

又要起身返工喇!真係唔多想離開自己張床呀~一朝早想要提一提神,又點少得一杯香濃嘅咖啡先得架!而家英國 Amazon Prime Day 就有咖啡機優惠,Nespresso、Krups、Nescafe Dolce Gusto 等咖啡機有低至 29 折優惠!抵呀!

Aigle 全線八折

總要買一對傍下身嘅 Aigle,喺英國 Prime Day 做緊全線八折。唔少女裝 Wellington Boots 已經本身低至 £34.00 起,只要有「PRIME DAY DEAL」字眼,更可以有額外 20% off。

HK$1352 買 Philips 空氣炸鍋

而家英國 Amazon Prime Day 優惠 Philips 空氣炸鍋只需要 £129.99(約 HK$1352),香港賣緊 HK$2398!時下個個都講求健康飲食,食嘢都要盡量少油,但有時炸嘢嘅滋味真係其他食物取代唔到架嘛。好在呢個世界有空氣炸鍋,只需要少量油甚至唔洗落油都做到炸物嘅效果!仲可以烤、焗、煮、炸、煎出唔同菜式,夠哂萬能!

Philips Series 鬚刨低至四折

唔好以為 Shopping 只係女士有份,其實唔少男士護理產品都有優惠,就好似呢個 Philips Series 鬚刨咁,全線激減四折起!就好似 Philips Series 9000 Wet and Dry,由 £450.00 減至 £169.99;另一部平平地 Series 3000 更係由 £120 減至 £45!優惠正在倒數緊,睇啱就唔好猶豫喇。

HK$1290 買 B&O BeoPlay A1 無線喇叭

B&O Bang & Olufsen 嘅喇叭音質有幾靚真係唔洗多講,用佢哋嚟聽歌真係一種享受嚟架~旗下嘅 BeoPlay 就推出咗呢款只有手掌大小嘅無線喇叭,外形夠哂靚之餘仲有多種顏色選擇,而家英國 Amazon Prime Day 優惠只需要 £124.00(約 HK$1290)就買到,香港賣緊接近二千蚊!

全線運動服飾低至八折

雲集多個運動品牌包括 Nike、Marmot、O’Neill、The North Face、Adidas、Speedo、ROXY 等等,買波衫、風褸等都非常抵。另外仲有唔少浮潛用具,只要有「PRIME DAY DEAL」字眼嘅產品都有額外折扣。

日本 IRIS OHYAMA IC-FAC2 充電式手提除蟎吸塵器

極平!簡直係倉底大割引!之前推介過都要 ¥6,850,今次 Prime Day 優惠只係 ¥5,820,即係大約 HK$408,又平多七十蚊,今晚可以斬叉燒加餸!呢部 IRIS OHYAMA 第二代充電式手提除蟎吸塵器,超強吸力,去除 99% 房間細菌同塵蟎,告別鼻敏感同濕疹!四百幾蚊一部絕對抵玩,從此就可以同塵蟎講 Byebye,晚晚都有覺好瞓,好過買山寨機!留意返:由於係日本 100V 電壓,同香港唔同,所以需要自行另購變壓器。

YA MAN PLUS EX HRF-20N

平九百!呢部由日本推出嘅射頻光波美容儀,有 RF 射頻、淨化、保濕同面部肌肉護理嘅功能!香港水貨都賣緊大約 3千4百左右,日本 Amazon 特價後只需 35,980 円,即大約 2千5百,慳咗咁多夠您買多對波鞋!PLUS EX HRF-20N 係一部集多功能於一身嘅美容機,助您打理肌膚,令護膚唔再係一件令您苦惱嘅事。

Panasonic 納米離子護髮風筒

呢款風筒採用納米離子科技,喺吹頭嘅同時為頭髮補充水份,咁樣就唔會搞到個頭咁毛躁啦~吹髮同時護髮,咁就可以滋潤又修護到把秀髮啦!最重要係優惠價只需要 ¥ 8,000(約 HK$558),香港賣緊過千蚊!而呢款風筒電壓香港亦適用,只需加上轉插就 OK!

Danboard 摺疊式儲物箱

今次 Prime Day 其中一個優惠就係呢個 Amazon 獨家出售嘅 Danboard 嘅摺疊式儲物箱,50L 容量都只係 ¥2,671(約 HK$186)!可以用嚟收納之餘,個樣咁得意當係裝飾都冇問題啦~唔用時又可以摺返埋佢,夠哂方便呀!

GREGORY 減價後再八折!

日本 Prime Day 搶先開閘!多款 GREGORY 袋款以及配件都有減價後再八折優惠,入到去只要見到 Prime Day Deal 字眼嘅,放入 Cart 後並點選 Check Out 就可以見到折實後嘅價格!Fine Day Backpack 額外再八折後只需要 ¥6,912,即係約 HK$482 就買到個!

部份 Fred Perry 折上折

有 Gregory 優惠,又點會無 Fred Perry 呢?¥3,161 起買到件 Fred Perry Logo Tee?抵到您唔信!部份男裝 Printed Laurel Wreath Tee 由原價 ¥7,560 減至 ¥3,951,加入購物車後仲有額外 20% off,最終折實價為 ¥3,161,即大約 HK$221,真係可一不可再。仲有唔少恤衫、Polo Shirts 都有特價,優惠隨時完結,睇啱就出手啦!只限有「PRIME DAY DEAL」字眼嘅產品先有額外 20% off。

SNK NeoGeo Mini + 發售紀念限定 T-Shirts 套裝

超迷你街機復刻登場,再加埋呢件發售紀念限定 T-Shirts,機迷們真係必買啊!適逢日本公司 SNK 為慶祝成立 40 週年,推出咗呢部 NeoGeo Mini 迷你街機,外型基本上同一部街機無分別,仲有齊 Joystick 同 ABCD、Start、Select 六個掣,令手感更似街機。以為個 mon 細細好難睇?NeoGeo Mini 支援 HDMI 輸出,可以連接去大螢幕或大電視度玩,約埋班 friend 一齊打機無難度,加上本身已經內置咗 40 個遊戲,一個星期打一隻,大約都夠您打一年!機迷宜家就可以預訂,8月 3日正式發售。

特價入手汽車零件

各車迷注意!其實除咗去車房或汽車零件專門店買到限定同新品零件之外,其實上 Amazon 一樣可以尋到寶物,車用品、電單車用品、汽車零件、汽車用品一應俱全,擁有超過百個品牌汽車零件產品,一個網站就可以買晒,真係方便!要入手原廠零件又唔一定要去原廠購買嘅,網購都可以搵到您想要嘅嘢。

Anello 背包低至 HK$151

呢款 Anello 背包雖然已經興咗一段時間,但係佢嘅大容量真係超級實用,咩都放哂落去一拎起就出得門口!而家 Prime Day 優惠減價後再八折,最平只需要 HK$151 就買到!粗用都抵呀!