踏入新一年唔少得當然要買吓福袋，喺日本買就要同一大班人排隊鬥快爭，爭崩頭先買到一個，仲要擔心行李唔夠位放添！其實而家有好多品牌嘅福袋都可以網上訂購，安坐家中一樣可以買到好嘢！而且網上仲會有減價，好似小編咁今次就喺 Stripe Club 買咗個 E hyphen world gallery 嘅女裝 14 件大福袋，入手價格為原價 ￥12,960 嘅半價再七折，即 ￥4536。HK$323 就買到 14 件產品，真係超值！今次小編就同大家一齊開箱，睇吓係「福袋」定「伏袋」！
呢個 14 件大福袋最吸引嘅係入面包含一件大褸，大褸有駝色及黑色兩款，隨機發貨，小編就抽中黑色，夠哂百搭易襯！平時淨係買件褸都唔止 HK$323，而家仲要有多十幾件衫，淨係呢點都已經夠哂抵！
冷衫當然亦係福袋中經常出現嘅 Item，今次小編呢個就有 4 件粗冷毛衣，1 件直紋上衣以及 1 件外搭嘅背心毛衣。全部都係淨色款，用作內搭或者就咁單著都無問題！
上衣方面除咗冷衫之外，仲有兩件 Lace 長袖上衣，用嚟做內搭襯吓衫都 OK～另外再有一件灰色短身 Hoodies 以及一件豆沙粉紅色衛衣，手袖位有繡花圖案，小編個人就比較喜歡淨色款，所以靚唔靚都係見仁見智啦～
除咗衫以及大褸之外，仲有一條黑色長闊褲以及一條黑色短裙，返工定出街著都得，同樣無伏！
不過，福袋裡面點都會有啲唔太啱心水嘅單品，以下呢條貴婦風嘅毛毛頸巾相信都係用作搭單之用…總數 14 件！
總括嚟講呢個福袋無咩伏，大部分產品都係百搭又易襯，絕對可以著到出街！加上只係 HK$323 就可以買到 14 樣日牌產品，仲要包括大褸，真係仲平過淘寶架～不過要留意嘅係呢個牌子只有 Free Size 提供，買之前記得睇返係唔係適合自己穿著。可能大家都好關心咁樣運返嚟到底要幾錢運費呢？今次呢個 14 件嘅大福袋重量為 9 磅，以每磅 HK$22 計算，運費為 HK$198。由於每個福袋嘅內容都唔同，難以一概以論需要幾錢運費，以上價格只能作為參考～睇完開箱文，下年大家都可以試吓好似小編咁喺屋企買超值福袋！
Stripe Club 官網：https://stripe-club.com/
未試過外國網購？想知道點買同收費詳情？
美國、英國、日本、韓國轉運劃一收費，葵芳/荔枝角自取每磅 $22，其他自提點/自提箱每磅 $24，簡單幾步將產品轉運到港：
．轉運流程：http://bit.ly/1MndMrF
．實重收費：http://bit.ly/1UNWq8V
．全港 66 個自提點及 45 個自提箱：http://bit.ly/1q3ogCD