啱啱踏入新一年，當然唔少得買福袋呢個指定動作啦！唔洗飛去日本同人迫架，係屋企上網一樣買到！唔少日本知名品牌都有推出福袋包括無印良品﹑graniph﹑TOMS﹑A BATHING APE、Lee、Edwin、Shirohato、CK、Kappa、Kanseaijeans、Rayban、Adidas 等等。而日本樂天市場 Rakuten 同 Amazon JP 亦分別出售緊不同品牌嘅福袋，平均幾千円就有五、六件 items，不論服飾、家品、玩具等等都有，宜家預訂就過年時有新衫新鞋著喇。
網購日本福袋四大須知 👉🏻 http://bit.ly/2CpnF93
日本樂天市場會搵多不同種類既福袋，除咗有潮流服飾之外，仲有家品、百貨、玩具等等接受二百個款式。熱門品牌包括 Earth Mucis & Ecology、Afternoon Tea Living、Moussy、Snidel 等等，而且樂天接受海外信用卡付款，非常方便。
日本 Amazon 宜家開始福袋售賣，參與既牌子有大家熟悉既 Lee、Edwin、Shirohato、CK、Kappa、Kanseaijeans、Rayban 等，既有男女服飾、運動戶外服飾、又有玩具 Figures 等，售價係 880 – 10800 円不等，加上最近日圓插水，變相更抵買。而且福袋分男女款、Size 都可以選擇，絕對係超值之選。2018年1月1號正式發貨，目前可以預訂。
Magaseek 提供超過 70 個品牌嘅福袋，大部分日本嘅熱門品牌都可以喺呢度搵得到。而網站亦有分為男女裝兩個頁面，男仕們想買福袋就更加方便省時啦！
之前就介紹過幾個牌子嘅女裝福袋，其實男裝都有部分品牌有推出新年限定嘅福袋架！就好似 Nano Universe 咁，今年同樣有福袋俾各位男士預購。佢哋嘅福袋售價為 ¥15,000，內有 4 件產品，包括 1 件外套。雖然望落比起其他福袋好似冇咁抵，但呢個牌子以質數見稱，平時買件褸都一定過萬 yen 架！所以佢哋嘅福袋一樣都係搶手貨～
佢哋大 size 嘅福袋為 ￥10,800，相當於 ￥40000 嘅商品架！裡面有十件商品，當中仲包含 Model 身上著緊嗰件外套，可以揀返想要黑色定係駝色。細 size 嘅福袋售 ￥5400，相當於 ￥20000 嘅商品，雖然係細福袋，但裡面都有成七件商品架～不過當然就無大衣啦，但都非常抵買！
The Bathing Ape 絕對係日本最受歡迎品牌之一。今次福袋分三個價位：¥39,800、¥19,800、¥16,800，分別係男裝、女裝同童裝價錢。一家三口齊齊換上 BAPE 潮服去拜年就最型喇！（記得係2018年一月一日喺 Web Store 正式發售！）
唔好以為得衫褲鞋襪先有福袋呀，其實好多牌子都有，就好似 Disney Store 咁，佢哋都出咗 4 款福袋俾大家揀！最正嘅係可以睇到入面係咩款，唔洗驚中伏～售價為 1,500円 – 5,000円。
Craftholic 奸夫總有莫名嘅吸引力，呆下呆下嘅樣令佢擁有唔少 Fans～日本就襯住新年推出「奸夫」福袋，一共分為三款，最平嘅 1,000 円（約 HK$69）就已經買到，裡面有 3 樣產品，相當於 2,680 円，仲已經有隻細 size 嘅奸夫公仔添！最豪華嘅一款都只係 5,000 円（約 HK$347），就已經可以買到相當 13,000 円嘅產品！入面有 7 樣嘢，包括大細 size 嘅奸夫公仔，真係好難忍手唔買！
Jelly Beans 向來都係 OL 同少女們嘅最愛，好多朋友都話舒服到返唔到轉頭，唔單止唔刮腳，著完後對腳唔會好攰，而且款式都好靚，而且最緊要係日本製！今次 Happy Bag 有三個價位，分別係 7,000 円、10,000 円、15,000 円，最抵個款梗係 15,000 円啦，有成五對，除返開即係 3,000 円一對（大約 HK$210），姊妹們勿失良機，快啲買新鞋返工啦！
VVStore 應該算係出售多元化福袋嘅網店，服飾、相機、玩具、家品嘅福袋都有，鐘意任天堂、Super Mario、Pokemon 嘅朋友就要睇睇喇，因為網店有佢哋嘅福袋呀！
