前排錯過咗英國 Dyson 官網激抵優惠嘅客戶，今次機會又黎喇！因為美國 eBay 內嘅 Dyson Outlet 適逢美國 Memorial Day 呢個大型節日做緊特價優惠，就好似 Dyson V6 Absolute 吸塵機，入埋優惠碼「P20MEMDAY」只需要US$219.99（約 HK$1,715）就有交易，足足係香港定價嘅一半！而 Dyson V8 Absolute 折實後就只需 US$399.99 (約 HK$3,120)。
但客戶要留意今次貨品屬 Refurbished 即係原廠翻新機，翻新機係被退番去廠嘅機，以出廠標準重新翻新檢查後再賣既版本，功能一樣，但係有機會外盒無新機咁整齊咁靚。呢一點消費者可以自己考慮一下。
而唔少客戶曾經遇過 eBay 註冊嘅問題，客戶只係喺首次登記 Shipping Address 過程中，先輸入一個錯的電話，如 XXX-XXX-8435 或 8437 或 8438（不是原來嘅 8436)，成功儲存後，才更改為正確嘅 8436，咁就可以喇。