各位澳門客戶都知道我哋以往都係租借地方作為自提點，但由於貨量逐漸增加，我哋今日正式推出澳門自營自提點俾大家取件，自提點地址已經喺網頁上更新：http://bit.ly/1GH0BIy
現有客戶請留意取件電郵上嘅取件地址，請勿去錯舊自提點取件啊！新自提點只限現金到付，並以港幣結算，所以客戶唔需要再用信用卡支付運費；如果得萄幣，就會按匯率收取相對嘅港幣。只要當貨件到達香港倉庫，合併後 2—4 個工作天就會送達。現時澳門派送服務由順豐速運派送，但稍後亦會更改，改為由我哋公司同事派送，運費亦可以現金到付，詳情會再進一步公佈。
澳門客戶暫時可以繼續使用 buyandship.today 香港網站處理同申報貨件，遲啲我哋會推出澳門網站，澳門客戶嘅貨件就要改到去澳門網站處理，新網站會即將公佈，請大家密切留意喇！