繼續直擊美國倉庫最新消息：倉庫同事喺美國嘅星期六加班為大家處理貨件，打咗 24 板貨！但由於美國正值物流高峰期，航班機位非常緊張，為確保貨件可以盡快上機，我哋安排咗唔同嘅航空公司，因此航班路線都有唔同，部份係直航、部份需要轉機，而轉機亦有唔同嘅 Transit Time，所以大家睇「發貨資訊」時，會發現唔同出庫日期嘅批次會有唔同嘅到港先後次序；即使同一日出庫，都有機會有唔同嘅到港日期。請各位以會員中心嘅「貨件申報管理」嘅貨件到港日期為準：http://bit.ly/1NoRm97
另外無人認領件已經處理多大約一百件，所以再次提提大家，一收到賣家提供既 Tracking Number 要立即申報，否則倉庫同事要花時間喺大量無人認領件當中搵番你個件，咁樣會延遲你嘅貨件入庫出庫時間。
之前有提及，有唔少貨件因為包裝太大，而根本件貨品只係細細件，倉庫同事需要 CUT 箱先可以打板上機，呢一啲貨件出庫時間需要多一至兩日。