香港同事直擊美國自營倉庫最新消息：今日美國倉庫同事花咗大量時間處理未申報貨件，影響其他貨件處理進度，所以尚有 400 幾件等待安排入庫。所以再一次提提大家：請各位一收到賣家提供既 Tracking Number，一定要立即申報，以便我地加快處理。因為即使你既貨件喺送抵倉庫後先申報，倉庫同事亦要花時間喺大量無人認領件當中搵番你個件，咁樣會延遲你嘅貨件入庫出庫時間。
而由於美國正值物流高峰期，航班機位較為緊張，如果同一時間出庫太多貨件，有機會因為無機位而被航班公司 Offload 令批次受影響，所以貨件會分批出庫，而今日仲有大約 1000 件等待出庫。
最後，呢幾日都有唔少客戶查詢，點解貨件送抵倉庫但狀態仍然未顯示為入庫？希望大家了解由於感恩節同 Black Friday 貨量極之龐大，入庫需要較長時間，預計大約兩個工作天。只要貨件送抵美國自營倉庫，都會陸續安排入庫，請大家耐心等候。