一直以來都有唔少客人向我地反映只可以以現金付款唔方便（其實唔洗入數已經好方便），可唔可以用信用卡俾錢呢？亦時不時有客人見到商場或屋苑 Locker 上面印有 BuyandShip Logo，就問其實用唔用得呢？
— 信用卡付款 —
6月30日已經開放俾合併集運既貨件選用，你可以係合併貨件之後即時係網上用信用卡支付運費，咁去到自提點就可以唔洗俾現金。但留意番，信用卡支付需要俾額外手續費，計算運費既時候就會即時顯示手續費金額係幾多。
— 自提櫃取件 —
7月6日起正式推出「自提櫃取件服務」俾合併集運貨件選用。
自提櫃多達 17 個，遍佈全港九新界多個大型商場同屋苑，有部份自提櫃更加係24小時開放，拎件就更靈活彈性啦！詳細地址會係下星期公佈，而費用同自提點取件收費一樣，收費詳情請參閱：http://bit.ly/1UNWq8V
不過又留意番啦，因為用自提櫃無人幫你收錢，所以要用自提櫃，只可以先用信用卡支付全數運費或者係積分扣減。
當貨件去到自提櫃可以拎件就會有 SMS 通知，收到通知之後需要係三日內領取，否則貨件就會退番荔枝角自提點，之後唔可以再選擇送到其他自提櫃、自提點或送貨，只可以親自到荔枝角自提點領取。