給各位姊妹們的 Black Friday 優惠情書

親愛嘅各位姊妹:

啱啱轉天氣,係衣櫃入面等左大半年嘅冬天衫終於用得著啦!漸入寒冬,意味住嘅就係一年一度嘅 Black Friday 瘋狂勁減又到啦!無論係時裝、手袋,定係鐘錶首飾,歐英品牌一律大減價,價錢分分鐘低到想像唔到啊!一年得一次機會,各位準備好大出血未呢?小編今次誠意分享5間人氣網店品牌,等各位姊妹 bookmark 定,睇啱就果斷出手啦!

美國 Kate Spade 趁 Black Friday 推出 25 折 Surprise Sale,特價貨品仲超過300款咁多啊!無論係銀包、飾物,定係手袋,均享有低至25折優惠!只要 US$49 (HK$383) 就可以買到原價 US$149 (HK$1164) 嘅 Kate Spade 長型銀包,真係抵到你唔信啊!

姊妹們最愛嘅意大利品牌 Furla 其實都有低調做 Black Friday 減價!上年 Furla 做半價優惠,真係令小編心慌意亂啊!今年雖然未有詳情,但係 Furla 已經率先推出 Pre-sale,留低 email 登記就享有6折優惠!你無睇錯啊,係6折啊!

講起手袋,當然仲有 Michael Kors 啦!Michael Kors 推出限時7日嘅75折優惠迎戰,超過 1600 款銀包同手袋任揀。當中比較少見嘅短靴款式更低至 US$98.25 (HK$767.6) 出售,快D買返對過個型格冬天啦!

講起靚鞋,又點少得美國名牌 Tory Burch。Tory Burch 原來係幾日前已經靜雞雞推出6折優惠啦!雖然經典平底鞋款無大減價,但勝在斗零踭同手袋有減價,大概 US$150 (HK$1171) 就有一對,比原價平左成 US$100 咁多啊!

據說今年英國品牌 Jack Wills 都會推出 Black Friday 優惠啊!但係小編仲未見到有資料更新,各位姊妹記得?實啦!

返工咁辛苦,終於到年尾,係時候買D野獎勵自己,趁 Black Friday 買份禮物俾自己,同自己講聲:「今年辛苦曬」!

PS 歡迎各位蜜運中嘅姊妹 Share 呢篇文俾男友 : )

感恩有你!
又要大出血嘅姊妹小編 字