Thanksgiving 及 Black Friday 轉運攻略:申報貨件

- 請於購物後立即申報 以加快轉運速度!-

美國 Thanksgiving 同 Black Friday 即將殺到,屆時將會係全年度物流高峰期,貨量龐大預計會係平時貨量三倍或以上。想盡快收到貨件?我哋需要您嘅配合!請各位完成購物後,一收到賣家所發出嘅派送公司同 Tracking Number(物流追蹤編號)時立即申報貨件,我哋會優先處理並盡量於入庫當日即日安排出庫(視乎貨量),加快整個轉運速度。

- 如果遲咗申報/唔申報會點?-

根據上年經驗,如貨件喺送抵美國倉庫後仍未申報,我哋會延遲將您嘅貨件安排入庫,亦會於(約三個工作天)後先向您發出未申報通知;即使您喺送抵美國倉庫後先申報,我哋亦會將您嘅貨件延遲安排出庫(約三個工作天),咁樣會影響您嘅貨件到港時間。

所以記得一收到 Tracking Number 就立即申報!喺您申報貨件資料前,貨件不會送回香港。

- 唔識申報貨件?立即睇睇教學影片!-

其實申報貨件非常簡單,只需將賣家所發出嘅派送公司同 Tracking Number(物流追蹤編號),以 Copy & Paste 形式貼到我哋「貨件申報管理」頁面,然後耐心等待貨件派送到海外倉庫就可以喇。

*記得唔好申報 Order Number,系統不能識別 Order Number;請記得係申報 Tracking Number(物流追蹤編號)。