新增7-Eleven 取件服務


BuyandShip 與 7-Eleven 合作,由 2017年7月11日 7:11pm 推出全港多間 7-Eleven 取件服務,以後經由 BuyandShip 轉運海外網購產品後,就可以揀到全港多間指定 7-Eleven 便利店自取,從此網購取件變得更輕鬆方便。

首階段暫時開放 8 間 7-Eleven 俾大家取件(包括上環、中環、北角、柴灣、上水、香港仔、大埔同尖沙咀),之後會逐步增加更多 7-Eleven 供大家選擇,希望到時可以做到「梗有一間喺你左右」。即刻睇睇有邊幾間:http://bit.ly/1GH0BIy

無論係美國、英國、日本或韓國貨件,只要喺用合併集運都可以選用,而且 7-Eleven 取件服務同自提點、自提箱收費一樣,都每磅 HK$24!


想係 7-Eleven 自取要點做?

1. 首先要留意,7-Eleven 既貨都都有尺寸限制(30CM x 30CM x 50CM)及限重 5 公斤(12磅內),喺選用 7-Eleven 便利店自取服務之前,你可以自行預算一下你買嘅貨件(連同包裝)放唔放得落。

2. 合併運單之後,我地會為你集運既貨件量度,如果發現貨件大過尺寸限制,我地會取消嗰張運單再 E-MAIL 通知你重新選擇去其他自提點取件、或安排送貨。

3. 7-Eleven 自取服務只接受先用信用卡支付全數運費或者係積分扣減,無得現金支付運費。

4. 貨件會喺確認付款後嘅 2-4 個工作天送達你所選嘅 7-Eleven 便利店自提點。當貨件去到 7-Eleven 便利店自提點可以拎件就會有 SMS 通知,收到通知之後需要係 72 小時內領取,否則貨件就會退番葵芳自提點,之後唔可以再選擇送到其他自提箱、自提點或送貨,只可以親自到葵芳自提點領取。