繼續直擊美國倉庫最新消息：現時美國倉庫正在出庫嘅貨件日期係 12月1號，意思即係 12月1號或之前已經入庫嘅貨件正在陸續安排出庫喇！現時正在入庫嘅貨件日期係 12月2號，但只限你嘅貨件係到倉前已經申報，如仍然未申報嘅話，同事就暫時唔會處理喇。
而 11月30號嘅貨件仍然有 20 – 30 件因為包裝太大，所以同事要 CUT 箱後先可以打板出庫。無人認領件就處理咗大約一百件，但仍然有大約一半嘅無人認領件係待處理嘅。
聽日（即美國時間星期六）倉庫同事會繼續加班為大家處理貨件，盡量完成處理剩餘嘅無人認領件同埋已送抵倉庫嘅貨件。
UPS 嘅貨車一日比一日大架，一日比一日深，簡直係無底深潭‥證明大家嘅購買力真係非常驚人。