呢兩日又有香港同事飛咗去美國睇睇倉庫嘅營運情況,今日影咗少少相俾大家了解多D你地件貨由收件開始,係點樣番到黎香港?
首先每日朝頭早,每間速遞公司都會逐一黎派件,通常最早係UPS,而USPS通常都係最遲大概美國時間中午先到。喺收件嘅同時,我哋都會進行簡單分類同埋睇睇有無派錯地址(USPS最常派錯地址,每日大概有10件左右都要退番去)。
簽收之後,就會幫貨件磅重同掃瞄 Tracking Number,如果貨件已經申報,就會係列印標籤時標明「OUT」,即喺可以當日打板安排上機。
如果未申報咁點算?我哋就會幫貨件安排架位同埋上架,等到你申報咗,先會係第二日再安排出庫,咁樣就會延誤咗你嘅貨件出庫時間。所以我地一直都建議客戶,一知道 Tracking Number 就要立即申報!
到大概每日下午4至5點左右,當日嘅貨件大概包裝完成可以等運輸收走送去唔同嘅機場啦!